10. Ritorno singalitrato

Se´n fan d´afotos con o murzianico -triballa de tasista- que ye plegato dic´aquí sin dengún poblema. Os Zerrigualdaires se piansan que ra baixata por o Sender de ros Cazataires puástar pro periglosa y, andipardi, no han l´auto en l´albargamián de ro Patral, lo cualo que deziden -de sopetón y fendo-ie omenax a lur motata- de prebar de puyar por dezaga de ra Siarra de ra Carquera, u de ras Cutas, y coneutar por astí con a pista que ba de Nerín ta Torla.

Se dispiden de ro murzián -qui ha condrimostrato estar un petenaire sofridor y exemblar, con o calzero que gasta- asperando que tot lis surda bian a toz.

M. Mart�n, “el murciano” y M. Pérez en el mirador de Calcilarruego en Ordesa. M. Mart�n,

Os Zerrigualdaires, con falaguereta por l´abendura y un siñalín a ra bimbola, pretan a puyar. En primeras por caminieto poco margato, dimbuasas como izen els: “o cambo, por as trabiasas”. Se´n xuplidan de ro paisax, bi son meyo “pifolos” d´uforia mondañera y solo piansan qu´en plegar t´aldo a tot tranz; pero de tiambo, sudateras y bel rato malo, pro qu´en ban a gastare… En zagueras -cansos pero goyosos- arriban ta ro cando Pundacuta (2.237 mts.) cuasi con as zagueras rayatas de sol; chusto alabez alifran una sarriata d´endre 15 y 2O endebidos -b´encluyindo crapas, crapiz e crapitietos- que no puaden b´afotiar, pos ya no lis ne quedan d´afotos. No i discansan guaire, pos ban con a baruca de pillar a pista que lis menará enda Torla; en que la troban se´n susiagan y güellando-sen consiandes comendan: “cuan seiga, ya i plegaremos”.

Andis que no bianga ra escurina s´aturan a zenare. Ista nuait ye rasa y serena, tot ye baixata y se´n dixan yir sin de priasas; no ne b´ha garra periglo y se´n fan goyosos.

De cuan en cuan fan un discanset, como en a fuan de ro Gradieto u chundo l´armita de Sandana. En istas be son cuan -paralels ta Barrango Diazas- ya lis prenzipia a paixer a pista sinfinible y, angue condinan baixando, no aduben a biyere Torla agún. Malas que plegan ta l´ambiasta de ras luzetas de ro lucar, a pista se´n ba esbarrando ta ra dreita más y más, empezipiando a suspeitare qu´ixa esbarrata tan luanga, en bel momén caldrá refer-la.

Esnabesan por a Trabinosa y ro Barrango ro Lupo y -a ra fin- a pista chira ta man ezquerra en o Barrango Furicón. Tianen unas apetenzias desinformes de plegar, pero agún lis cal cruziar l´arriu Ara por o puan de ras Gleras. Dimbuás d´aber-lo feito lis ba ya pro chusto ta, en una zaguera esfugata, puyar ta ra carretera y fer-ie o zaguer kmt.; arribando ta ro cámbin a ixo de ra una de ra maitinata. Bi son tan escamallatos de ra sinfinible petenata -de trendaicualgues kms.- que tardarán pro tiambo á adormir-sen.

27-VII-1.985. Se´n debandan tardi, han discansato y adormito pero, con tot y con ixo, agún i son espedatos, baldatos y escatenatos. Os Tocayos ascape troban a ro murzián, qui lis rezenda que ra baixata de ro Sender d´es Cazataires yera estata muito aspra y remató con os piaz macatos, pero qu´agora ya ros teneba millor…

S´están guana ratera ruferdiando coradalmén y, a ra fin, se´n dispiden con muito afeuto.

Os Tocayos replegan a tianda y chindan. Poco dimbuás enchegan a tornata enda Zirigoza.

RESUMINDO: Qué diyas más imblazers han pasato y qué espedenzias más singoxitatas qu´han bibito!!. A Bal de Puertolás asapelo polita, más que más o lucare de Bestuere. En a majisma Ballibió toz es lucars lis han perguchito. Puablos y chens que mandianen como puaden as trazas de bita tradizionals, fendo-ie guana pacha con a natura que lis arredola, asinas como ro patrimonio cultural e lingüistico. Ordesa, ya ye de dar: “de ro millor, ro milloret”; os marbiallosos paisaches son estatos bibenziatos de conchunda con un simbatico murzián. Y os Zerrigualdaires fendo de ras suyas: “a crapa, siampre enda ro monde”.

Anuncios