1. Aproxemanzia. Bal de Puertolás

BALS DE PUERTOLÁS, BIO Y ORDESA , DE RO 24 TA RO 27 DE CHULIO DE 1985

Ista añata -por primer begata con l´auto de M. Martín- ban con as miras de conoixer a Bal de Puertolás,con os lucars de Bestuere y Puertolás, a Ballibió, con es lucars de Buarba, Bio y Fanlo, ta dimpués esnabesar por Ordesa, petenando dende ro patral dica ro saldieto de ra Coda Caballo, tornando por a Faixa Pelay e ro Sender de ros Cazataires.

 

24-VII-1.985 . M. Martín menando ro suyo flamián Seat 127 -de 3a. man- y M. Pérez de copiloto escomenzipian lurs nuabas andatas por os Pirinés.

Plegan en a Bal de Puertolás -en a “chema ro güego” d´es Pirinés aragoneses- dimpuesas d´abere feto ra cursa dende Zirigoza por a carretera enta Güesca, contino ta Balbastro, dimpués ta L´Aínsa y esbarrando-sen en Escalona por a carretera qu´enfila enta ra Bal. Esnabesan chunto a ro lucar de Belsiarre an que ya emprezipian a columbrare a rabiosa berdor d´es patros e selbas.

M. Mart�n delante de la torre de la iglesia de Puértolas. Migalánchel Mart�n debán de ra torre de ra ilesia de Puertolás

Arriban enta ro lucar de Puertolás (esbarratura de ro latín PORTUS: mondaña u cordalera en a que ne b´ha una gáriz) plantificato en l´altero d´un tozal, baixo ra zema de Castiello Mayore. Ista poblazión ye a capezera monezipal d´es raditos 200 abitadors esparditos per es lucars y aldeyas de Belsiarre, Bestuere, Escalona, Escuain, Guartas de Muro, Muro Bellos, Puyarruego, Santa María y Santa Chusta.

O lucar de Puertolás ye situgato a 1.169 mts. d´altaria, a 125 kms. de Güesca y tien solamén 12 abitadors. As fiastas se i zilebran o 15 d´Agosto. Lis truca muito ro lucare por estar d´una sola carrera que remata en a plaza, asapelo costeruto y con suel de mal petenare. Ne b´ha bellas casas antigas, en son remarcables: casa Superio, calendata ro 1.589 e con puarta en arcata de meyo pundo; una torre meyebal esfensiba de ro sieglo XV conoixita como “La Cárcel” y ra ilesia de San Bizén Mártir -en o cabaldo de ro lucar- de ro sieglo XVI y d´estilo gotico aragonés. Iz que ro más artistico se troba en l´armita de ra Birchen de ra Plana, de ro sieglo XII, en l´aldeya de Santa María. Antis más Puertolás sonaba muito por as feturas de paños y trocas de tela.

A es de Puertolás lis izen “estozagatos”, “estozaperros” y tamién “zalapiercos”.

Ya ro diz iste dito:

“Los de Bestué son gorrez

y en Revilla micoleros,

estozagatos en Puértolas

y en Santa Justa manchegos”.

Bels nomes de casas de Puertolás son:

Superio, Sasé, Boí, La Plaza, O Ferrero, Zerolas, Cuello, Pascual, Tomás, Sanmiguel, Justo, Luis, Chaimé, Galizia, Chusto y Bizién. (se beiga ra escorsa enta Sariñena ro 13-XI-1.983)

Continando con a cursa, siguen con l´auto enta Bestuere, a 5 kms.; M. Martín ba menando con muita ficanzia, pos a carretera ye güenacosa estretiza y apiyora an que ye l´esbarro ta ro lucar d´Escuain, con muitas marradotas y firme arrodio.

Anuncios