9. Joaquín Costa

Joaquín Costa naze en Monzón el 14 de Setiembre de 1.846, pero pasa la suya nineza y mozedá en Graus, d´aón promana la suya familla. Destinau como fillo mayó -d´un total d´onze- a continá las fayenas agricolas famillars, una grau malotía muscllá, que ba padezé mientres toda la bida, li´n ba pribá d´acometé-las. Con una sosprendén juerza de boluntá y superán los apuros de diners, consigue estudiá Dreito y Estoria (Filosofía y Lletras) y llogra ganá en 1.888 por oposizión la pllaza de notario.

Retrato de Joaqu�n Costa con vista al paisaje de Graus. Cuadro de J. Suárez Pelegr�n en Minist. Hacienda. Madrid. Ritrato de Chuaqu�n Costa y paisache de Graus enta´l fundo. Cuadro de J, Suárez Pelegr�n en Minist. Hacienda. Madr�.

Chuaquín Costa se´n define a él mesmo como “un labriego aragonés forrado en intelectual” y diz: “si no puedo estudiar, no quiero vivir”.

Autó d´una obra desinforme -los escritos d´él ban bersá sobre dreito, estoria, notariau, cheografía y colonialismo, economía, agricultura y reganos, lliteratura, antropolochía, dialetolochía, pulitica y educazión- en la que i sobresallen d´entre los muitos llibros suyos “Colectivismo agrario en España” y “Oligarquía y caciquismo como la forma actual de gobierno en España”, esfende un ideyario rechenerazionista enfrontinau ta la corruzión pulitica. Crey n´una pulitica d´aiguas, dimpués metida en prautica, se rillaziona con la “Institución Libre de Enseñanza” y entrebiene en pulitica con poqueta suert.

Costa se´n posa por debán en belluns de los pobllemas puliticos, economicos, sozials y culturals que n´ixes momentos encomenzan a i cucutiá: la rillazión entre l´Estau y la Soziedá, la soberanía populá en una soziedá de masas, las mugas de la partizipazión pulitica en democrazia, el rispeto al desembollique de los puebllos en conformidá con las suyas tradizions y trazas de bibí equilibradamén con la Naturaleza….

É capaz de pllanteyá balguosos abarruntes respetibe a la estoria de las fabllas altoaragonesas y,de bez, ba llográ intresá a importans romanistas franzeses, como Morel Fatio y el suyo diszipllo Saroïhandy, en l´estudio de las fabllas bibas pirinencas.

Costa repllegó un dito sobre los de Graus:

“Bona chen la de Graus.

¡Bona chen! No pot sé,

de Graus son los arrieros

trafollas y embusteros”.

Referén a´l riu Esera que pasa por la billa, en comenta:

“He vivido tres años a orillas de ese río, en el punto donde le tributa sus aguas el Isábena y juntos se despeñan, sobre lecho de roca, en demanda del somontano, robusteciendo el rumor de sus olas alborotadas, preñadas de promesas alentadoras, con el eco fragoroso de las dos peñas gigantes, el Morral y las Forcas, que los encajonan y oprimen”.

En rechirán un eixempllo istorico y reyal de rechimen de llibertá zebil, surte n´el suyo pensamién el Dreito Aragonés: “el más libre de Europa” y comenta que “Aragón no se define por la guerra; se define por el Derecho”.

Sobre las bertuz qu´en risalta de los aragoneses:

“La austeridad, la serenidad, la paciencia, la perseverancia, el sentido de la dignidad, la franqueza, el corazón en la mano, el alma en los labios, el culto a la justicia, el recto sentido de la realidad, la tenacidad en los propósitos, la prudencia y el arte en el obrar y el tacto de la vida. El pueblo aragonés es pueblo de escasa palabra pero de mucha acción. El “estilo aragonés” es vivo, conciso, sentencioso, enérgico, más amigo de concentrar diversos conceptos en una frase que de comentarlos y diluirlos; poco amigo de retóricas y de amplificaciones y más atento a la profundidad del pensamiento”

Bellas frases de Costa rillazionadas con Aragón:

“Aragón es el órgano político de la nacionalidad en cuanto a la colectividad, pero Aragón es un pueblo sin hombres en cuanto a lo individual”.

“Los pueblos no abdican fácilmente de su pasado, que sería abdicar juntamente de su porvenir”.

“Necesitamos conocernos, necesitamos conocer nuestra psicología colectiva”.

“Aragón se ha ido sensiblemente desnacionalizando por el espíritu”.

Apllanau, dezezionau y con salú asabé qué radida, se´n retira ta Graus, on ba pasá los zaguers años de bida, morín-ie el 8 de Febrero de 1.911. El Gubierno deseya enterrecá-lo en Madrí, n´el “Panteón de Hombres Ilustres”, pero los aragoneses no lo premiten pas. El suyo intierro en Zirigoza é una impresionán manifestazión populá. En España l´han teniu entremientres to´l sigllo XX como modelo etico de sabio, entegro y onrau.

Anuncios