5. Encomenzán las fiestas

Las fiestas en onó a los suyos patronos, el Santo Cristo y San Bizén Ferré han siu decllaradas d´intrés turistico nazional por las albadas y, más que más, los danzes. Han encomenzau a la meyodiada con el baldiá de campanas y l´albada “Amadruga” “a las doce del día doce, las campanas baldiarán,…” Ban esfilán la comparsa de chigans y capezudos, caretas, caballez, Furtaperas y dispués las carrozas.

Danzantes y repatanes a punto de salir a la plaza mayor de Graus. Danzans y repatans en momentos de sall� ta la Pllaza Mayó de Graus

De tardis, a las siete y meya los Zerrigüeltaires s´han achuntau ta´l publlico, entre l´estrapaluzio de salbas y trabucazos, pa í a beyé allegá los gaiters al puen romanico d´abaix -antis más beniban del llugá de Caserras- on ban sé rezebius por Repatans y Repatanas de los barrios, autoridás, Prió de la Cofradía del Santo Cristo, mozas, mozos y danzans, sén comboyaus desiguida po´l Portal de Chinchín enta´l Barrichós, ta la casa on iz qu´abitó San Bizén Ferré, debán de la que se i canta una albada -una de las tradizions mosicals más biellas de Graus- y continán dica la illesia parroquial, ist´atra albada:

“Ya sé qu’estás en la cama

ya sé que no duermes, o,

ya sé qu’estás escuchán

las canzions que canto yo.

Adiós Marieta de l’alma

que m’en boi á mi retiro

y mañana me trobarás

de tus amores cautibo

entre las flors metíu”.

El Caballé y el Baile del Dance en la plaza mayor de Graus. El Caballé y el baile del Danze en la Pllaza Mayó de Graus

Lis truca beyé con qué goy y emozión biben el momento los grausinos. Meyo ixordaus po´los fenomenals petidos de los trabucos, beben bino en porroneta y minchan bella miqueta torta, esfrután-ie de l´ambientaz que lis arredola.

Zenan y se´n ban dispués ta´l baile del “Centro Deportivo Recreativo Gradense” a cargo del grupo “Nueva Etapa”. Astí ban goyá de l´ambista y bailotiá bell raté.

13-IX-1.985. Oy eñay diana; a´l punto´l maitino lis dispierta la Banda de Mosica de Vall d´Uxó (Castelló) que pasan esfilán por la carrera de l´ostal. Desayunan y marchan a garimboliá, ín a pegá a la fin ta la Pllaza Mayó. Camín de la pllaza se´n ban trobán bells bizins con los que pillan capazeta charrán l´aragonés que sapen. Ascape lis comentan que: “charran ta la Fueba”. Respetibe a´l grausino: “el que sabeba charrá ben eba Tonón de Baldomera, qu´escribiba n´el Llibré”, “ara no´n charra mucha chen”; uno d´els fa el comentario: “antes que Aragón y Cataluña, ya existía Ribagorza”.

Son chen muit acullidera que lis combidan a l´aperitibo en un bar (entre atras cosetas, llonganiza de la Billa). End´astí ya marchan ta la pllaza fabllán con un Danzán y un Repatán.

Anuncios