3. Arquitetura Zebil y Relichiosa. Nomes de Casas

Continan pasiando por las carreras, allegán en la espetaculá Pllaza Mayó, con un conchunto urbanistico en retangllo desformau, arrodiada de casas aporchegadas por tó, d´orichen renazentista y esbielladas los sigllos XVIII y XIX y bellatras con decorazión pitorica y estampas allegoricas en las fronteras. La Casa La Billa orichinalmén é del sigllo XVI, pero muit retrazada. El casal de Bardaxí, naziu de la chuntura de tres casas biellas é de tradizión niocllasica. El casal del Barón, sobre´l palazio del Chustizia de la Ribagorza, retraziau el sigllo XVIII. L´antigo palazio de los Condes de Ribagorza é d´epoca renazentista, onque la fesomía atual é de los sigllos XVIII-XIX. Ya lo diba´l pintó español Ignacio Zuloaga: ¡Caramba!, qué rico sabor tiene esta plaza”.

En sallín d´ella, allegan al barrio d´abaixo “el Barrichós”, el más biello de Graus. Sobresallín-ie el casal noblle del sigllo XVI de los Mur en la pllaza Coreche (con la inscrizión “Rodrigo ama a Marica”), en la pllaza de Fantón (infanzón) é la casa del mesmo nome de l´antigo palazio del sigllo XIII-XIV; rematán con la Puerta de Chinchín costruyida en 1.589 con pedra sillá.

Fachada del Ayuntamiento de Graus. Frontera de la Casa la Billa de Graus

Ende 1.912 se publlica la rebista “El Llibré” que repllega añalmén aspeutos costumbristas lligaus con Graus y lo fan serbí tamé como Pograma y Pregón de las fiestas. El del año 1.953 tray un articllo de Vicén Lacambra tetulau “Los charrazos de Graus”, on se i nombran bells motes de casas de la billa:

“…..Casas de Graus, tal como Casa Pentineta, Casa Arnés, Casa Linés, Casa Capucho, Casa el Sastre Barasona, Pallarol, Maella, Melsa, Riñón, Casa las Marías, Barrenas, Piñós, Ainés, Chornal, Morens, El Pastó, Namés, El Siñorel, Birol y otros muchos; hasta se puede fé juego de apodos como Cachano, Caracho y Carano. Cuan yo eba chico m’acordo que ñabeba unos motes en las Casas muy raros y muy fieros, y eban así: Casa Culebras, Casa Mascatrigo, Casa Espantamontes, Tocamuertos, Correigualas, Rancapinos, El Tuerto la Era, Escodallobos, Casa Farinetas, Casa Pelldebou y Carabisaco y otros que no m’en acordo. Pos cuan les bá dá por meteles a las Casas nombres de Animals, tamé se ban llebá. Casa el Someré, la Gralla, El Fefé, el Mixoné, Conejé, Carneré, Los Llovez de Benabén, Casa el Raboso, Casa el Gato y otros varios…..”

En l’añada 2000, Vizente Turmo Mur “Pallasón”, publlica l’interesán y recomendau llibro tetulau “Tradizions y cosas de Graus”, en el que entre atros temas, amostra toz los Apodos y Nombres de las casas de Graus, astí añaden a los d’antis menzionaus, los eslexius que lis parixen más curiosos, asinas como Carreras y Fuens:

Nomes de Casas: Aguazil, Aguaquetina, Aladrero, Albañila, Albardero, Albeita, Alifonso, Altimira, Ardanuy, Azeiter, Bafalluí, Baixia, Baladrá, Barbeta, Bardina, Barranquí, Balentinón, Bastera, Benarda, Benardino, Berengué, Bertola, Betato de Reñíu, Biroleta, Bixa, Blanquiadó, Borregoñona, Botero, Braixa, Brinqué, Brozas, Biu, Buebero, Buiró, Bullanga, Bullón, Bulturín, Cabalero, Cabotalegas, Cagallargo, Caitanón, Calanda, Calderero, Calibo, Calzarroyas, Calzón, Caminero, Capazico, Caraziro, Carbonero, Cariha, Caroleta, Carrachaco, Carreras, Castana, Cazadó, Cocolíu, Coixo, Colón, Colungo, Cortante, Coscolla, Crabisaco, Cucala, Chamarill, Chamferré, Chauyersera, Chep, Chichambrelo, Chinchinon, Chiriba, Chirón, Chuanicón, Chudas, Chulleta, Dichón, Emboñarnas, Enterradó, Escanacrabas, Escodallobos, Esquiladó, Esfurriacochos, Espigolau, Falché, Falzeto, Fantón, Fardero, Farinera, Fai Boi, Felis, Fernau, Ferré, Ferrera, Ferrero la Muralla, Fidiguero, Fierro, Figonero, Fobané, Folloso, Fornereta, Fraila, Francheta, Francho la Molinera, Franchulé, Frontoné, Fuses, Gaitero, Galbán de to’l año, Garrachaco, Gorrero, Gorrinero, Juanón de la Francha, Labastera, Lacambra, Lasardeta, Laspona, Lezina, León de Graus, Luzena, Lueza, Luisón Floríu, Llabet, Llaguarros, Macarulla, Manzaneta, Mañaneta, Marchamalo, Marchán, Marchau, Marioneta, Marré, Martiné, Marzia, Mategüaz, Matón, Melchoré, Merllo, Mingué o Carrasca, Molendó o Carneré, Molinero de Barasona, Moné, Mongay, Montañas, Mora, Morons de los bous, Mosqueta, Motilón, Murredón, Muxolín, Nabarrí, Ninona, Noy, Obis, Onzino, Onís, Pallargüelo, Pallás, Pano, París, Patané, Pedro el Barbero, Pelatronchos, Pelegrín, Pelletas, Peraletas o Perales, Perico los Cochos, Perisé, Perixuan, Petín, Petronila, Pichillón, Pitorra, Pixotera, Pllatetes, Pochaquetas, Pozino, Pueya, Pulenta, Quemaneba, Quiné, Rafel, Rafelo, Ramón el Gaitero, Raqué, Rateta, Rebuñaco, Rebuñoso, Remizio, Reñín, Roya, Rudeyo, Ruello, Samblancat, Sande, Satué, Saún, Secastillano, Serradó, Sese, Sillero, Sin, Sistá, Sobero, Soguero, Susano, Tambanada, Teixidó, Tininani, Tintorero, Titola, Tonelero, Torrobato, Trallas, Trillo, Turronero, Zaborras, Zelestrino, Zentenera, Zerollo, Ziazero, Ziprián, Zuzaya.

Los nomes de las Carreras más chocáns: Calle Juaquín Costa, Camino las Crabas, Portal de Chinchín, Calle los Filadós, Pllazeta Fantón, Callizo Mosén Andréu, Callizo el Anziano, Pllaza Coreche, Calle los Gaiteros de Caserras, Calle los Estiraus, Calle del Forno.

Las Fuens: del Torro, de Maguda, del Anziano, del Zapo, de la Figonera, la Fontaneta, de Santolaria, el Soto Gambón, la Sierra Baldomera, de Regrustán, la Nora, del Cagallón.

Como arquitetura relichiosa, cal destacá la illesia parroquial de San Miguel. Primeramén ba sé romanica, pero ba abé bellas esbiellanzas los sigllos XIV, XVII y XVIII, retrazián el suyo caraute premitibo. Amás i é la illesia de l´antigo combento de la Compañía de Chesús, fundada po´l bispe Esteban d´Esmir el 1.651 y ara de propiedá monezipal y tancada al culto. Respetibe a la basilica de la Birchen de la Peña, se zita detalladamén más abán.

Anuncios