11. Aproxemanzia ta l’Ainsa

15-IX-1.985. A l´atro´l diya se´n debanta tardi, desayuna y marcha ta la sallida del llugá, carretera enta Campo y Benás. La intinzión é allegá en L´Aínsa fén dido. Ba siguí con ista ideya mientres un raté, el que ba tardá a amanezé un auto endrezau enta Benás que atura y lo repllega, dixán-lo en Campo a lo menos, en la cruzillada con la carretera ta Sobrarbe on, dimpués de bell par d´oras, unatro condutó que ba ta L´Aínsa lo reculle y lo i dixa en destín.

El rey cristiano Garci Ximeno y su séquito en la Morisma de A�nsa. O rai crestián Garzi Ximeno e lo suyo siguizio en a Morisma d´A Insa

A Insa se troba a 589 mts. d´altaria en a compleganza d´os arrius Ara y Zinca, a 119 kms. ta ro norte de Güesca capetal, en a comarca de Sobrarbe y con 1.3OO abitadors, alto u baixo. A radita densidá de poblazión esdebinió cretica a metá de ro sieglo XX, superando-se-ne dimpués meyán o desembolique de ro comerzio e torismo.

Las Moras de la Morisma de A�nsa entrando en la plaza mayor. As moras d´a Morisma de L´A�nsa dentrando en a Plaza Mayor.

A ros d´A Insa lis izen “moricos”, ya lo diz o primer de ros siguiens

ditos:

“En Aínsa los moricos,

y en Boltaña los tozuelos”.

“¡A L’Aínsa nabateros!

mucha bolsa y pocos dineros”

“Los dioses de Aínsa son tres: Bielsa, Casimiro y Fes”.

Los Moros en la Morisma de A�nsa. Os moros en a Morisma de L´A�nsa.

A Insa tien dos parz bien esferenziatas: a comerzial e muderna que surte arredol d´a cruzillata de carreteras y ra de ro biello nuclio meyebal, declarato Conchunto Istorico Artistico, que mantién prauticamén entegras as suyas murallas y dos de ras tres puartas esteriors.

El embajador cristiano y el embajador moro en la Morisma de A�nsa. L´embaxador crestián y l´embaxador moro en a Morisma d´A Insa.

A Insa ye en pleneras fiastas patronals de ra Santa Cruz asinas que, dimpués d´aber chintato, enfila cara ta ro bico istorico pa i rechirar puesto p´adormir. Tien muita suarde, pos a primer presona a qui pregunta ye una muller que li diz qu´en casa suya li loga una cambra con leito; ye en a Plaza Mayor, en una d´as casas con porches en arcata. Dimpués de i dixar l´equipache se´n fa una gambadeta por a zona, i parando cuenta en a ilesia parroquial de Santa María, romanica de ro sieglo XII con a suya gran torre, y en as casas Arnal e Bielsa, tipicas de ro sieglo XVI.

El demonio y el pecado, los dos personajes alegóricos de la Morisma de A�nsa. O Diaple y ro Pecato, os dos presonaches alegoricos de ra Morisma de L´A�nsa.

A l´arreyo d´a estoria lo prebilechiato enclau de ra Billa, ras murallas e lo fortal castiello la fízon cuasi sinprendible. L´Aínsa tenió muitos prebilechios atorgatos por diferiens rais: lo 1.124 a Carta Puebla d´Alifonso lo Barallador atorga a ros suyos abitadors os benefizios de lo Fuero de Chaca; lo dreito de lezda, de i zilebrar ferias, de Cheneralidá y d´eslexir lo suyo propio Chustizia. Totas istas abantallas guarenziaban a soprebibenzia y feban medrar a suya poblazión como capetal de l´antigo Raino de Sobrarbe.

Plegando en o cabo baixo -y muderno- d´A Insa i para cuenta en que b´ha un zine y d´aquí a un rated i pasarán a pelicla “Tootsie”, b´entrepetando l´aztor Dustin Hoffman a una muller. M. Pérez no desaprofeita ra mingala; biyerá ra pelicla y en saldrá encantuchato. Dimpués zena y pilla capazed con uns toristas chobeñons, con os que marcha ta ros “pubs” que i son zerqueta de ro zine.

Se´n chita pro tardi, pero muito goyoso d´aber escurruchato ro tiempo de tan guanas trazas.

Anuncios