10. La Mojiganga

La Mojiganga é uno de los más intresans y trucadizos aztos de las fiestas de Graus. É una ripresentazión populá reyalizada de güen empllaz por la chen de la pobllazión, en la que por meyo d´un teyatré se´n i fan la moflla de los feitos escayezius en la billa y alredors a l´arreu de l´añada, entre disbrazes y gromas, creticán somardonamén las custions qu´en ie han trigau.

Desfile de los danzantes del Baile de Palitroques, desde el Hostal de Graus. Esfile de los Danzans del baile de Palitroques, ende l´Ostal de Graus

La Mojiganga encomenza a primeras oras de la nuit, rancán de la gllorieta de Chuaquín Costa. En debán de la catafila marchan los Eraldos con fallers, siguius por los fegurans disbrazaus, caretas, caballez y capezudos, los Reis de la Mojiganga y la banda de mosica. Recorren las carreras de Salamero, Barranco, General Mur, Prior, Plaza Coreche, San Vicente, Muralla, Barrio de las Pueblas y Fermín Mur, acabán en la Pllaza Mayó, aón i son rezebius por la chen entre apllausos, pasán a ocupá el trono y encomenzán l´azto. M. Pérez se´n ie acoflla pa desfrutá de la chanzosa y burllona obra.

A tetulo de chiquetas contrimuestras, en triga lo más chocante:

Este año los reyes son: Brochino I de Ribagorza y Tinto de Somontano y Carolina de Moñaco, y el resto de acompañantes. Hijo: Carquiñol y Pichirulo, Primer ministro: Evaristo, dos bufones, nobleza y los representantes de las casas: Escodallobos, Cagallargo, Rancapinos, El Coixo, y el Cortante.

Bufón

“En Barbastro están los nenes, en Naval los Cazoleros, en Graus está la verdad, y en Campo los embusteros”.

9º Texto

Bufón: “Viajes colectivos organizados El Castillo. Santos lugares, Compostela, Plan, Torreciudad, El Castillo, carros de hasta 60 plazas”.

Bufón: “Lo último en dos caballos. Berlinas la Corredera, Asientos reclinables. Tapicerías de cuero. Candil de larga duración. Berlinas la Corredera, la que más marcha tiene”.

Frío

Ya fa años quél nombraban los agüelos déstos pueblos:

1.- An cambiau tanto los tiempos qu’ara ya no fá invierno.

2.- Si que tiens razón Tiburcio.

1.- Quen si en tiengo? ¡más q’un santo!

Cuan nusatros evan chovens, aquello eran inviernos…

¿T’en acordas que nevadas y qu’escarchas p’ol maitino?

2.- Y que panderos de chelo que baixaban por el río. Aquello si que eba frío….

Cuan m’on ivan a dormí por las noches, s’arrimaban las muyes, diban que pa calentase, como si fuesen braseros; y allá p’al mes de setiembre, ala venga aumentá el censo…..

Tercera Edá

– ¿Cómo está seña Remedios?, feva días que no la velleva.

– Ay nina qu’estau malichota y feva días que no saliba de casa.

– ¿Qu’a estau mala?, no’n sabeba nada, ¿pues qu’a teniu?

– Primero va está con la gripe, que mira que l’a siu de mala este año…

– Si ya’l dicen…

– Dispués me va coje un doló en la garra que casi no podeba ni caminá, reumas va di el medico qu’evan… en fin la edá. Ixa e la peor enfermedá que se puede teñí.

– Ya le digo no’n sabeba nada…….

El Zerrigüeltaire l´ha pasau de pistón, se´n ha esmellicau asabelo y se´n ha quedau encantuchau de la esllomada de ripresentazión que s´han arreyau los sobregüens aztors mientres tó l´espetacllo.

P´acabanza, s´apresta a zená y dispués bailá. Como istes zaguers diyas, se´n allega ta´l “Centro Deportivo Recreativo Gradense” pa´l Gran Maratón de Baile a cargo de las orquestas “Los Clan” y “Canela Show” y, bai, sin l´aduya del suyo amigo i fa lo que güenamén puede.

Ya s´arrematan las fiestas y, como iziba una albada de Graus:

…..“Una noche fan los fuegos

otra, albadas cantarás,

y otra con la Mogiganga

la gran traca cremarás.

Y así s’acaban las fiestas

las fiestas de mi llugá,

las que feban mis agüelos

y los querín imitá”.

Anuncios