7. Belchit

Belchit ye a 5O kms. ta lo sureste de Zirigoza capetal por a N-232 y dimpués por l´ A-222, a 44O mts. d´alzarria y con 1.5OO abitadors. As fiastas grans d´o Lucar Nuabo se i zilebran o 14 d´otubre en a onor d´a “Exaltación de la Santa Cruz”.

A Belchit li se conox más que más por a baralla que b´escaizió durán a guerra zebil española. No lis cal biyer o Lucar Nuabo, sino besitar os ronals d´o Lucar Aglerato, que i son dixatos como alcordanza d´a umanal malfeitura.

Anomenan “Baralla de Belchit” a una tongada d´operazions melitars desembolicatas mientres a guerra zebil, dende lo 24 d´agosto dica lo 6 de setiambre de 1.937, en ista poblazión y a suya redolada. Belchit yera en poder d´os “nazionals” dica que as empentadas d´os republicans consiguioron conquerir-la lo 7 de setiambre. Reyalmén estió una empastrada ta os “royos”, pos anque ganoron cualcosa de terreno no adubioron a la fin de consiguir a requeda d´as empentadas “nazionals” en o fruén d´o Norte. As risultas no podión estar-ie más fierizas: sais milentas de muartos y tres milentas de prisioners.

M. Mart�n, detrás las ruinas del pueblo viejo de Belchite con la iglesia de San Mart�n. M. Mart�n; dezaga las enronas d´o Lucar Biallo de Belchit, con a ilesia de San Mart�n.

Compreban petenando por a Carrera Mayor o debanpasato mudéxar d´a ilesia parroquial de San Martín, d´o sieglo XIV y con trucadiza torre; dos combentos barrocos d´o sieglo XVIII, San Agostín y os Dominicos, y a Torre d´o Relox d´o sieglo XV.

Bi ha cualques atarranches ta que no se´n bi escatumben bels edefizios, pero los casals continan esboldregando-sen amoniqued. L´ambiesta lis percute asabelo; a guerra ye a más grandiza malfeitura, pos perén ne b´ha firme mortalera d´inozens.

Iglesia parroquial mudéjar de San Mart�n destruida del pueblo viejo de Belchite. Ilesia parroquial mudéxar de San Mart�n, destruyita, de ro Lucar Biallo de Belchit.

Amán d´o lucar ye l´armita-santugario -mezclallo de mudéxar y barroco- de la Birchen d´o Pueyo, que se i zilebra ra fiasta popular o 3O de marzo. Aquí yera situgata “Béleia”, a “Belia” romana.

A primer menzión de Belchit ye calendata en 1.117, en estando chusmesa por Alifonso I. Estió d´a churisdizión de os Rais d´Aragón, pero durán o sieglo XV pertenexió a lo linache de os Íxar.

A os de Belchit lis izen: “gurriones” y “aleteros” y tienen bels ditos:

“En Belchite nació el hambre,

por Almonacid pasó,

en Letux estuvo un rato

y en Lagata se paró”.

“Eso se sabe hasta en Belchite”

“¿De Belchite y lloras?, no comerás moras”.

“Los distraidos de Belchite, que de nada se enteran”.

Dimpués d´a feriosa besita pretan a marchar cara ta Zirigoza, pa rematar o biache.

Resumindo: iste biache ye estato bian escurruchato. Lo millor, la charrada sopre l´Aragonés en os Monegros, con esito de publico y partizipazión. Han conoxito tamián atras localidaz que lis han cuacato, antiparti d´o biallo y espaldato Belchit que caleba besitar a tot tranze, como teste que ye d´as furizias de ros nuastros semellans.

Anuncios