5. Alcañiz

Plegan t´Alcañiz; fan una gambadeta por as suyas carreras y bels afotos.

Alcañiz (en arabe “Al-Qannis” sinifica “cañizo” u “las cañas”) ye una zidá en o cabalto d´o Puy Pinós (pueyo pinoso) a 381 mts. d´alzarria y en as marguins d´o Guadalope (en arabe “arriu d´o lupo”), se troba a 16O kms. de Tergüel capetal en a comarca d´o Baxo Aragón tergüelano y tien arredol de 12.OOO abitadors. Ye una zidá zentrata en o seutor serbizios. As fiestas grans son de lo 8 ta lo 13 de Setiembre (“la Virgen de los Pueyos y el Angel Custodio”) y a fiesta más famosa ye a Semana Santa incluyita en a “Ruta del Tambor y el Bombo”, con o momén más importán lo Sabado Santo, en a prosezión d´o “Sellado del Sepulcro”.

Plaza del Ayuntamiento de Alcañiz con el Ayuntamiento y la Lonja. Plaza de l´Achuntamién d´Alcañiz con l´Achuntamién y a Lonxa.

Alcañiz tien un guallardo conchunto artistico, estando-ne declaratos molimentos nazionals: a Lonxa, d´estilo baxomeyebal d´o sieglo XV; l´Achuntamién, renaxentista d´o sieglo XVI y lo Castiello, d´orichen musulmán e incluso en os dominios d´o Zid Campiador -aligato ta ros musulmans- arredol de lo 1.O91. En 1.179 lo castiello pasará ta la orden melitar de Calatrava durán bels sieglos. Dimpués de muitas pasatas estoricas esdebiendrá, ya en os nuestros tiampos, “Parador Nacional de Turismo”.

M. Pérez delante de la Portada de Sta. Mª La Mayor de la Colegiata de Alcañiz. M. Pérez debán d´a portalada de Sta. Mar�a La Mayor d´Alcañiz.

Son tamién dinnas de risaltar as suyas ilesias parroquials, como a d´o Carmen de lo sieglo XVII, a de San Francisco de Asís, d´o sieglo XVIII, a de Santo Domingo d´o sieglo XVI y, más que más, a colechiata de Santa María La Mayor de 1.4O7, d´a que se´n mantenita solo que una remarcable torre gotica. Tamién se i fa notar la fuen “de los setenta y dos caños”.

Torre de la Iglesia del Carmen de Alcañiz. Torre d´a ilesia d´o Carmen d´Alcañiz.

A os d´Alcañiz lis izen “judietes”, “notarios” y “semoletes” y tienen bels ditos:

“Valdealgorfa con sus fuentes

y con su ferrocarril

nos cagamos en La Estanca

y los tontos de Alcañiz”.

“Alcañiz, manzanetas y pan”.

“La mujer y la perdiz, de Alcañiz”

“De Alcañiz, ni conejo ni perdiz, y si puede ser, ni hombre ni mujer”.

“De Alcañiz, ni gallina ni perdiz, y mierda hasta la nariz”.

“¿Con qué usted es de Alcañiz?, en lo bruto se lo conocí”.

“Rincón por rincón, Alcañiz en Aragón”.

Respetibe a repuis de l´aragonés, M. Martín -en unatro biache con Chuan-Chusé Bielsa- replega bels bocables que l’izen uns biellos: José Alejo Marco “de los Pepineros” y Manuel Salafranca “de los Marujos”: chiqueta, chiquer (antis más chiqued,), lo iban hecho, caibar, m’en boi, fablar (con o sinnificato de “hablar el dialecto local antiguo”) y rematanzas de bocables en –ER y -ETA.

D´aquí marchan enta Ixar, que s´alcuentra a 32 kms. ta lo norgüeste por a carretera N-232.

Anuncios