6. Tienda de cambaña. Castiello

La tienda de campaña de “los Zerrigüeltaires”, a su lado Miguel Ángel Pérez y su tío Pepe Benaul. A tienda de cambaña de "os Zerrigüeltaires", a ro suyo canto Migalánchel Pérez y o suyo tío Chusé Benaul.

Migalánchel Pérez y Migalánchel Martín, escurren rechirar un puesto pa plantar a tianda de cambaña. No les se da mal, pos alcuentran ascape en l´entrador d´Alquezra una aira, ideyal -a´l paizer- p´adormir as dos nueys siguiens. En primeras ra plantan y dimpués -antis que no bienga ra escuriza- zenan. Tienen delera con a nobedá de ra tianda y paran güena cuenta en plantar-la como cal, y con as clabiellas bian fincatas; en zenar, y a ro que ya no se i beye un sacre, s´encadan en a tianda. Tardan prou a adormir-sen debiu a ra nobedá, pos estranian o chazillón.

Torreón y Colegiata de Alquézar.

Güei, biernes 2O d´abril de 1984, se debantan con goyo y prous arranques. Dimpués de ro desayuno, marchan a conoxer Alquezra; esfrutan de ra besita garimboliando por as majizas carreras y afotiando-las. Puyan ta ro mañifico Castiello-Colexiata d´Alquezra, que os suyos aintros les dexan birolos, y goyan con susiego de ro paisache enta ra billa y, por a zaguera, enta ra Clusa de ro Bero.

La Colegiata de Alquézar.

Anuncios