4. Alquezra-Leyenda

A sensazión que tienen en azercar-sen t´Alquezra ye que paez machestuosa, engradonata y d´una color buralenca.

M. Mart�n, al fondo Alquézar.

Alquezra (en arabe “Al-Qsar” -alcázar,”a fortaleza”-) ye una billa situgata a 5O kms. ent´o Noreste de Güesca, en o Semontano de Balbastro, a 66O mts. d´altaria y chunto a ro Bero. Tien bels 3OO abitadors, alto u bacho, que biben más que más de l´agricultura (oliberas, almendreras, bites) y de ro torismo.

Mantien muito bien o trazato meyebal adautau a ras costeras y l´arquitetura tradizional tipica de ro Semontano: piatra con zocalo y sobre ista, ladriello, adoba u tapial con exemplos de portaladas, rafes, balconadas y atros elementos calendaus entre os sieglos XV y XVIII, con una chocante y majisma plaza porchegata, antimás de ra ilesia de San Miguel.

As costaniellas endrezan ta ro Castiello-Colexiata datau dende ro sieglo XI dica ro XVI. Fortaleza creyada por Banu Jalf a l´empieze de ro sieglo IX (anque ista no s´ha conserbato), esdebinió capeza independién de ra Cora güescana y una de ras prenzipals fortalezas de ra Barbitania.

Respetibe a ros moros, en yay una liyenda local:

O rei Moro d´Alquezra

“Estaban os moros en Alquezra, y llebaban toda ra probinzia de Uesca ellos. Y allí tubon un ataque, los embolicón y los afosilón…Teneba una querida d’Alquezra (o rei moro) y aquella ba y le’n corta ro cuello y ella sacó un paño de sangre ta ra bentana y antonzes brincón to ros moros, brincaban por atrás, por as rayeras y astí s’estozaban, así que les matón á ro jefe”.

En l´atualidá, o conchunto ye resguardato por una muralla refeita n´o sieglo XV, con muresnos e dos torrions entremeyos, dentrando por una puerta -de ro sieglo XV tamién- embastida en a muralla prenzipal. En o XVI se costruyó en os suyos aintros una ilesia d´estilo gotico tardano, anque bella par de ro caustro ye romanica. En o cabalto de ro tozal i son as enronas de ro castiello, chunto con os rebuis d´a ilesia adedicada a Sta. Maria Madalena.

M. Mart�n detrás Iglesia de San Miguel de Alquézar y la villa.

A ros d´Alquezra les izen “malas cabezas”, “cabezudos” y “moros”; respetibe a ista zaguer motada, yay una xota controxada por bels lugars qu´en diz:

“Escañatruchas de Ligüerre,
liloileros de Albella,
galochudos de Morcate,
moros de Alquézar”.

e iste atro dito:

“Machos d’Alquezra y ombres de Nabal, uno en cada lugar”.
Anuncios