3. Raiquero

Marchan dimpués aboniquer enta ro lugar de Raiquero, que s´alcuentra a 4 kms., alto u bacho.

Raiquero (d´a radiz zelta “rica”: sulco, regallo, puesto con agundanzia de barranguizos; u de ro latín “rad-icarium”: puesto con agundanzia de radigons) ye un lugar de 2 barios: Os Meleses y Mierlas, plantificau a 636 mts. d´altaria en o bachán de ra Siarra Sebil. Respetibe a arquitetura, sobresal casa Ayerbe con oratorio, y a Ilesia d´a Nuestra Siñora de l´Asunzión, barroca de ro sieglo XVII que contien rebuis romanicos. Ye asabelo sonau por os suyos binos y quesos de craba artisanos.

M. Mart�n, al fondo la Sierra Sevil y Radiquero.

A ros d´aquí les izen “peludos” y antimás:

“San Pelegrín en un alto
y Radiquero n’una balle,
os mocosos d’Abargüela
no tienen más qu’una calle”.
“Os de Raiquero mal apero,
güena bolsa y mal dinero”.

Os nombres d´as casas de Raiquero son:

L’Abogau, Sacristán, Tichidor, Zebollero, Roque, López, Zeferino, Trallero, Broto, Camper, Bernat, Mata, Carrasco u Carrasquillo, Subietas, Roca, Blas, Batalla, Piquero, Ferrero, O Lugar, Gorgonio, Antonio Bernat, Maonal, Billacampa, Lorente, Ayerbe, Aniés, Sidoro, Lascorz, Martín, Cazcarra, Bareta, Lacruz, Coroneta, Carmen, Mairal, Coronas, D’o Coscollar, Anselmo, Bertolo, Alpín, Mediano, Toribio, Romeu, Azcón, Laidea, Sampietro, Miguel de Subías, Silbestre, Puzo, Marzuelo, Balentina, Beturián d’o Techidor.

En Raiquero discansan un rater en un bar, pos agún les quedan 3 kms. pa plegar en Alquezra.

Anuncios