21. Adagüesca 2.OO8 (Chesús de Mostolay)

Arcos del Ayuntamiento (Plaza San Pedro) donde se ha presentado el libro de Chesús de Mostolay. Arcos en a casa d\'a Billa dó se ha presentau o libro de Chesús de Mostolay

O 22 de Marzo de ro 2.OO8 Chesús de Mostolay -güen amigo de ros Zerrigüeltaires- escritor, etnografo y tradutor ta l´aragonés, prisentó en o lugar d´él, Adagüesca -con esitaz de compleganza de chen- o suyo zaguer libro “Vicente Tobeña y Barba. Un ilustrado aragonés”, editau por Gara d´Edizions. Seguntes i rezenta Mostolay, Tobeña estió una fegura clau pa capir a sobatida autonomista aragonesa, que con tanta rasmia s´enradigó entre a burzesía aragonesa plantificata en Barzelona entre 1.917 y 1.936.

Chesús de Mostolay firmando ejemplares de su libro. Chesús de Mostolay afirmando exemplars d\'o suyo libro.

Estió miembro d´a Unión Regionalista Aragonesa y de ro partiu Unión Aragonesista dende ra suya creyazión. Sobrixió como folclorista, estoriador, pensador, etnografo e lingüista; d´él son os primers estudios sobre l´aragonés d´o Semontano de Balbastro y ro primer bocabulario, replegando antimás os costumbres y ra estoria d´Adagüesca, ra suya billa natal.

Chesús de Mostolay firmando ejemplares de su libro. Chesús de Mostolay afirmando exemplars d\'o suyo libro

Resumindo, uno de ros millors estudios d´a bida y obra d´un presonache, amanexiu en zagueras en Aragón, lo cualo esdebiene una obra onica y alazetal, d´obligata prisenzia en a biblioteca de toz os amadors y conoxedors d´Aragón.

Asistentes y vecinos en la presentación del libro. Asistens y bez�ns en a presentazión d\'o libro

Entre os lumerosos complegaus en a prisentazión s´alcontraban: o Presidén d´a Deputazión Probinzial de Güesca, Antonio Cosculluela, o Presidén d´a Comarca d´o Semontano de Balbastro, Jaime Facerías, as Churatas Grans d´Adagüesca, María Pilar Vidal y de Salas Altas, Inmaculada Subías y o Zerrigüeltaire Migalánchel Pérez, qui tubió a onor d´aringoniar un ratiqued -en primeras- respetibe a ra tematica, conteniu e importanzia d´o libro y ro suyo autor.

Exposición documentación de Vicente Tobeña. Esposizión documentazión de Bizén Tobeña

A bida y obra de Vicente Tobeña fuén ocheto de dos esposizions: “Vicente Tobeña y Barba, ese gran hombre”, con articulos replegaus “de os papels” por Chesús de Mostolay, y “Documentos para el recuerdo”, que reculle a decumentazión que Tobeña treballó pa retraziar a estoria d´o lugar, as dos atrapaziadas por l´Achuntamién d´Adagüesca.

Inauguración de la Biblioteca Municipal \

O pograma remató con l´enchegue d´a Bibliotequeta adedicata a Vicente Tobeña y botizada con o suyo nombre.

Chesús de Mostolay junto a la recién inaugurada biblioteca municipal \

Chesús de Mostolay ye autor d´agundans treballos arredol d´a luenga aragonesa y ya eba publicau dinantes -amás d´o debanmentau libro- “Acordanzas de San Pelegrín (A bida d’antis más en un lugarón amortau de o Semontano de Balbastro) (2001), “el aragonés en el Somontano de Barbastro” libro editau en l’año 2007.

Chesús de Mostolay junto a su hija Alba y vecinos. Chesús de Mostolay chunto a ra suya filla Alba y bez�ns

En él almiran a suya capazidá de nabeganzia y ro prefaizionismo en a esplicatiba de ros suyos conoximiens. Con tot y con ixo, no dixa de sosprender-les con cada nueba publicazión y o conchunto d´a suya trayeutoria. A obra suya ye esdebenindo un obligau referén de consulta ta toz os que deseyan conoxer l´autentica grandaria d´Aragón. Os treballos d´él chumían amor y dendela por a tierra, de capeza ta coda, pero antimás amuestran un fundo conoximién d´a reyalidá sozial, estorica y cultural d´o territorio.

Anuncios