17. Balbastro

Balbastro (antrotoponimo latín “Barbatius”, u bien de ro territorio “Barbotanum”; antis más se clamaba “Midyar”) ye una ziudá plantificada en as marguins de ro Bero y capetal d´a redolada de ro Semontano Balbastrero, s´alcuentra a 51 kms. de Güesca y a 341 mts. d´altaria. Tien 14.OOO abitadors. Se ganan o coscurro con as mercadurías, l´agricultura y os serbizios.

Ye de risaltar o casco urbán en os alredors d´a Catedral, gotica de ro sieglo XVI. Ye impresionán por defuera y más que más os aintros, por o suyo altar mayor renaxentista de Damián Forment.

Vista de Barbastro y su catedral.

A ros de Balbastro les izen “nenes” y “os d’o Barranqué” y tienen bels ditos:

“En Barbastro dicen “nenes”,
en Peraltilla “¿qué fas?,
en Monzón dicen “te jibo”
y en La Almunia “ya estás”.
“Los calderos, de Naval,
los nenes, de Barbastro,
la maldad de Graus,
los embusteros de Campo”.
“Si quiés comer mamagastro (variedad de uva negra) véstene ta Balbastro”.
“Ye más fullera que piedra Balbastro”.
“Los de Barbastro miden la calle con pañuelo”.

Chuaquín Costa en replegó iste atro:

“Abichóns los de Estadilla,
bozudos los de Fonz,
panaderos de Barbastro
y de Monzón rapazóns”.

S´amanan ta ra estazión d´autobuses y mercan os billez ta Güesca. Dica que sale l´autobús se´n ban a zerrigüeltiar por Balbastro.

Anuncios