13. Güera

Se dispiden con afeuto de siñó Vicente y dimpués de chentar pretan a marchar por a carretera os 5 kms. que les deseparan de ro lugar de Güera. Por o camín s´escunzan a un pastor con o suyo ganau; aprobeitan pa discansar y fer a charradica con iste siñor qu´emplega o bocable “YE” y güenacosa d´aragonesismos. Más t´aibán, en os alredors de Güera, s´alcuentran ent´a zurda con o puen meyebal de L´Albarda, sobre o Bero; n´iste puesto se i fan un afoto.

M. Mart�n en el puente medieval de la Albarda.

Güera (“Boria”, billa, u bien de ro latín “Bovaria”, puesto ande se criyan os güeis) ye un lugar situgau a 55 kms. de Güesca capetal y a 519 mts. d´altaria en a marguin zurda de ro Bero. Tien 12O abitadors, alto u bacho.Ye remarcable ra ilesia parroquial debantada n´o sieglo XVI y l´armita barroca de ro sieglo XVII de Santa Maria de Dulzis.

A ros de Güera les izen “afumaus” y “lataziners” y tienen un dito:

“En Colungo han muerto un buco,
y en Asque han muerto una craba,
y todas as mozas de Güera
s’han feito una güena sartenada”.

Teneban o costumbre de portiar os ninos ta ista armita pa untar-les a zaite de ra lampa pa que fablen ascape y correuto. Como iziba Pedro Arnal Cavero tamién yiban pa otras ocasions:

“A familia, unas familias, con o sin misa, de cacera, pa un día de borina, pa dales n’a cabeza a os de Güera, a juar a pilota, a conocersen, a apalabrasen, a capitular, por amonestasen, a casasen, de tornaboda, de romería, de robatiba, villas y aldeas, toda la redolada”.

M. Mart�n, detrás el pueblo de Buera y al fondo “Cotiella” con nieve.

Besitan Güera y en o salidor de ro lugar Os Zerrigüeltaires plantan a tianda a ro canto d´unas almendreras. Zenan, charrutían bel rater y se chitan. Ya s´han feito a adormir en a tianda.

Güei, domingo 22 d´abril de 1984, marchan con destín en o lugar de Salas Altas.

Os primers 4 kms. o sender cruzia ros carrascals de ra Sierra Bacha y ra Bachimaña (“bal gran”), plegan ta Sierra Salinas y puyan dica ro Solano y l´armita de ra Candelera por pinars y carrascals. Astí yay un sobregüen aguaitadero enta ro Norte: os Pirinés, Guara, Alquezra…. y enta ro Sur: Salas Altas, Salas Bachas y cambos de cautibos y biñeros. O zaguer km. ye de bachata por una pista, plegando desiguida en Salas Altas.

Anuncios