10. Alquezra. Vicente Blasco-Coplas

Güei, sabado 21 d´abril de 1984, se debantan discansaus y contentos d´aber adormiu toda ra nuey; replegan a tianda de cambaña y pasan o maitino n´a billa. En Alquezra preguntan por a barián local de l´aragonés y con qui se podreba fablar. Les comentan que se´n ye dexando d´emplegar, y les aconsellan que charren con siñó Vicente Blasco, qui -en istas- s´alcuentra oíndo misa. Enfilan cara ta ra ilesia p´aguardar a salida de ros fidels; contautan con él desiguida: ye un biello de 94 añadas, presto a que le graben sin dengún poblema. Siñó Vicente ye un agundoso poyeta popular y fa un poder por contar-les güen facho de coplas en castellano y en alquezrano. Compreban qu´en Alquezra, anque ra conoxen muito bien, a fabla local se´n ye dexando de fablar aboniqued.

Los Zerrigüeltaires con el Sr. Blasco. Para la foto el Sr. Blasco tiró la gayata hacia tras.

En Alquezra grabón a D. Vicente Blasco y en Salas Altas a D. Mauro Sanagustín. Lo más sucoso de ditas grabazions se publicó como articlo en a rebista “Orache” nom. 5, chunio 1985, con o tetulo ” Coplas d´Alquezra y charrazos de Salas Altas”. Ed. Ligallo de Fablans de l´Aragonés.

Coplas d’Alquezra y charrazos de Salas Altas

En un biaxe que faziemos l’año pasau t’a redolada de Balbastro podiemos replegar bellas muestretas d’aragonés en Alquezra y Salas Altas.

En Alquezra conoziemos a D. Vicente Blasco Castán, conozíu por “O Decano d’Alquezra” (94 años d’edá). Ye un poeta popular con dijenda en toda ixa zona; d’el repleguemos bellas majizas coplas, muitas chupidas d’un zierto machismo chuzón (as de “picadillo”). Contino as podéz bier:

De Rematadura

“Pa tirar as olibas
ye menester escalera
para cogerlas d’o suelo
a ras mulleres les ban as manos ligeras”.
“En o tajo as olibas
fue ande yo te conozié
si cogerías con garbo
¡que asta me cogiste a mí!”.
“Subistes por a escalera
con ixa faldica corta
cuasi, cuasi m’enseñastes
aquello que a nadie importa”.
“Izen que don Chuan de Sancho
lleba cuatro manirrotos
y ha cogíu as olibas
tan pronto como nusotros”.
Vista del Barranco de la Valle Clusa del r�o Vero.
Anuncios