9. Ixabierre

Asiguindo un camín se´n ban amanando, puyín-puyán, ta´l lucarón d´Ixabierre (de lo bascón “Etxa Berri”: casa nueba) que se troba a´l canto la carretera que s´adreza ta la ribera de Pineta; ye a 1.O8O mts. d´altaria, a menos d´un km. de Bielsa e con cualques 5O abitadors. La ilesia parroquial ye d´estilo romanico, de lo sieclo XII.

Os Zerrigüeltaires, al fondo la torre de la iglesia de Javierre. Es Zerrigüeltaires, enta´l fundo la torre de la Ilesia d´Ixabierre.

Tienen un dito controixato con altros lucars:

“Chisagüés está en un alto,
Parzán esta en una balle
y el desgraziado Ixabierre
no tiene más que una calle”.

Es nombres de las casas d´Ixabierre son:

Barré, Belén, Biñola, Gilo, Lego, Martín, Montaner, Pandero, Pascual, Santo, Sebero, Sucarrina, Tucualentena.

M. Pérez y Francho Vicente, al fondo la torre de la iglesia de Javierre. M. Pérez e Francho Vicente, enta´l fundo la torre de la Ilesia d´Ixabierre.

Tornando enta Bielsa de baixata se troban con Francho Vicente, compañer d´es Zerrigüeltaires e Presidén de lo Ligallo de Fablans de l´Aragonés. Lis fa goyo a toz la trobata e pretan a estorlicar un ratet, (n´aragonés, profés). Francho lis ferá bel par d´afotos con las ilesias d´Ixabierre e Bielsa de fondo. Dimpués, li cal marchar-se-ne e es Tocayos se quedarán enna billa pasando una tardi bien tranquileta, fendo afotos, mercando minchuzas, e asinas-asinas.

De nuet, ban a adormire ta´l mesmo alox ixoriato que la d´antis, muito contentez d´aber aprofitato ixe diya tan güen coneixendo la billa de Bielsa.

Güe, 27 de Chulio de 1.984, cal que s´amonten en l´autobús ta ritornar aboniqued enta Zirigoza. L´autobús ba ta L´Aínsa, pero se´n baixarán 4 kms. antis, pa besitar o lugar de A Buerda.

Anuncios