5. Bielsa

Apareixen a la fin enna billa de Bielsa an que discansan güena ratera dinantes de dezidir el puesto an que farán la mallata. En zagueras, acatan que a´l canto la portalata de la torre de Telefonica que b´ha enno cabalto de Bielsa, podriban pasare la nuet a´l raso con es zacutos d´adormir e las colchonetas. E ixo ye´l que farán dimpués de zenare e s´aiga feto la nuet funda.

Güe, 26 de Chulio de 1.984, se´n rebellan a l´amanixita. No han pasato mica fredo, pero l´alox les ye risultato bel poquet inquesto con ixe suel tan dur.

M. Mart�n en el puente medieval del pueblo de Bielsa. M. Mart�n enno puen meyebal de Bielsa.

Bielsa (podriba promanar de “billa” e/u descritibo de lo zelta “Bels”: cambo) ye la capital de l´Alta Zinca, tien cualques 5OO abitadors, ye plantificata enno Perineyo Aragonés Zentroriental, enno furcallo u compleganza d´es arrius Barrosa e Zinca, a 1.O24 mts. d´altaria, e a una longaria de bels 15O kms. de Güesca capetal. Achunta es lucars de Chisagüés, Espierba, Parzán e Ixabierre.

Ayuntamiento de Bielsa y M. Pérez. Casa La Billa de Bielsa e M. Pérez.

Es molimentos més importans de Bielsa, retraziatos dimpués de la guerra zebil, son la Casa de la Billa, edificato renaixentista con porches del sieglo XVI, e la ilesia parroquial, tamién del sieglo XVI, d´una nau con güeltas de cruzería estrelata.

Ista bal tenió una tradizión menera graniza: el fierro de Bielsa estió famoso dica la fin del sieclo XIX e s´espleitó plomo e plata dica meyatos de lo XX.

Las risultas de la guerra zebil en Bielsa estioren dramaticas, con cuasi totas las casas estroixinatas debito a la “Bolsa de Bielsa” (zaguer foricacho de l´exerzito republicán, an que i fayoren una disesperata prebatina d´esfensa del “Fren d´Aragón” enna probinzia de Güesca) e tot lo bezindato pasando temporalmén ta la Franzia. Més adebán estió esbiellata e retraziata, e muitos d´es abitadors podioren tornar ta´l suyo lucar.

Un d´es poquez costumbres belsetans mantenitos son es famosos Carnabals, enradicatos en antiquismas fiestas precristianas e conserbando presonaches d´antis més como las Trangas, Madamas, l´Amontato, el Domador e l´Onso…. Zelebra fiestas en febrer ta Carnabals e lo 15 d´Agosto ta l´Asunzión de la Birchen.

Anuncios