2. Latas-Satué-Chabierre de lo Bispe

Dende ro museyo d´o Sarrablo enfilan a piet por una pista, con as muchilas cargatas de minchars y os zacutos d´adormir, con endreza enta ro destino final d´ista etapa: o lucarón de Larrede.

Ya beyeremos qué orache lis fa. En o Sarrablo bi ha bel dito tradizional ta endebinar l´orache:

“Si ves a boira pegada ta Utoría, agua
al otro día. Si ves a Boira en Erata no
tiendas a pallata. Si as boiras van de
San Antón a Collarada, no tiendas a
pallada. Si ves boira en seco en Canciás,
compra trigo y vende os guás.”

A mayor parti de ras ilesias que ban a biyer de camín por a marguin cucha d´o Galligo se costruyón alredor de ro sieglo XI, por ixas engüeltas os abitadors d´istas tiarras yeran mozarabes, u seiga: cristians sozmesos a ros musulmans, pero sin d´albandonar a suya relichión. Bels espertos izen que son mozarabes istas ilesias, entre que atros creyen que son romanicas lombardas. L´año d´antis, 1982, yeran estatas declaratas “Molimento istorico-artistico nazional”.

A ros 2 kms. se troban o lucarón de Latas (de propietario latino “Lastus”) a 9OO mts.d´altaria, de motada lis dizen “fatos” y tienen un dito rispeutibe a ras suyas casas emblanquiatas con calso:

“Y en acabar,
a mirar ta Latas
que ye lugar blanco.”

Lucar conserbato pero esbiellato, en sobrexe casa Marcos -de radigalla d´infanzons- y casa Botero con a suya chaminera trongoconica. A ilesia ye romanica y a torre de ro sieglo XIX.

Atros 2 kms. más y plegan en o lucar de Satué ( Antrotopónimo latino “Satto”) a 85O mts. d´altaria. A istos lis izen “gabarders”, paiz que por l´agundanzia en o mon suyo de gabarderas. A ilesia de San Andrés pertenez a ro modelo más tardano de ro mozarabe sarrablés y ye plantificata en o cabaldo de ro lucar.

Dos kms. más t´adebán ye Chabierre de lo Bispe ( del vascón Etxa Berri: casa nueva) a872 mts., a iste lucarón l´izen tamién ” Chabierre d´os Cornudos ” y/u “d´as Gargantas”.

2. Miguel Ángel Mart�n descansando delante del pueblo de Javierre del Obispo. Migalánchel Mart�n discansando debán d´o lucar de Chabierre de Lo Bispe

Os nomes d’as casas son:

Abadías, Abarca, Galindo, Aso, Cañardo, Escartín, Oliván, Ferrero, Escolano y Fenero.

Lo más intresán ye o gran casal enradigato de ros Olibán , de ro sieglo XVII.

Empezipian a notar cansera y agún lis faltan 3 kms. ta plegar en Larrede, pero china-chana ya están zerqueta de ro lucar en do cuentan que amallatarán.

Anuncios