4. Olibán-Orós Baxo-Orós Alto

Continan por a pista 1 kmt. y meyo plegando en Olibán (9OO mts.).

Os nomes d’as casas son:

Azón, Carlos, Chuan, Félix, Hilario, Chuanico, Marina, Herrero, Piquero, Capitán, Colorau, Borderas y Canela.

A ros d´Olibán lis izen “pataters” y “laminers” y tien bels ditos:

“En el cielo manda Dios
en la tierra los gitanos
y en este pueblo de Oliván
los mozos y los casados.”
“Campanetas de Oliván,
unas vienen y otras van.”

“Buena fambre la d’os mocetes d’Oliván, que se comieron os abozos del caldero y los llamaban lamineros.”

“De os peches de río o mejor ye o cordero tresmesino.”

Perrico, vacas y la iglesia del pueblo de Oliván. Canet, bacas e ilesia de ro lucar d´Olibán

L´arquiteutura popular remane en güen estato y con intresans chamineras tradizionals, en sobrexendo casa Aínsa de ro sieglo XVII. A ilesia de San Martín no lis parex tan polita como ra de Larrede, pero lis dixa enluzernatos o conchunto ilesia-fosal, con as lapidas cuasi en a carrera; fan bels afotos. D´agora enta debán y por más de 1O kmts. lis alcompaña un canet que no quié perder-se as petenatas de ros biachers.

Migalánchel Mart�n y un perrico juguetón junto a la iglesia del pueblo de Oliván. Migalánchel Mart�n y un canet enchugardito chunto ra ilesia d´Olibán

A ros 3 kms. se troban os lucars d´Orós Baxo (856 mts.) y Orós Alto (85O mts.). Orós Alto se diz asinas por estar más amanato enta ra güega de Franzia. Os nomes d’as casas son:

Antón, Cañardo, Jacinto, Puértolas, Piquero, Tejedor, Catalán y Navarro.

Orós Baxo ye más baxo, pero no pas sobre ro libel de ro mar. Os nomes d’as casas son:

Badías, Gregorio, Matías, Sebastián y Valentina.

Talmén ro más intresán d´istas dos poblazions seiga ra ilesia mozarabe d´o sieglo XI d´Orós Baxo, iz que a más macuquiata de ro Sarrablo.

Migalánchel Mart�n y Migalánchel Pérez junto a la iglesia del pueblo de Orós Bajo. Migalánchel Mart�n y Migalánchel Pérez chunto ra ilesia d´Orós Baxo

A ros d´Orós Baxo lis izen “papudos” y a ros d´Orós Alto “colers” y tienen un dito:

“Os de Orós, bor bor
as coles en a olla, bor bor o bor
y a chorda en o soto, chor chor chor.”

Y de bels lugars:

“A Orós Alto voy por coles
y a Orós Bajo por acelgas,
a Gavín voy por amores
y a Yésero por doncellas.”

Nomás salir d´Orós Alto beyen muito zerqueta Biescas, pero a suya intinzión ye marchar tot dreito ta Gabín. Os zaguers metros de ros 3.OOO que ne b´ha dica Gabín bi son de repinchata costera y pa caramuello escomenzipia a esplebinzionar de sopetón. S´acubillan y chintan a ro canto d´una bordeta entremistanto que plebe.

Anuncios