1. Museyo d’o Sarrablo

SARRABLO DE RO 31 DE MARZO TA RO 3 D´ABRIL DE 1983

L´oxeto d´iste primer biache de bels diyas- en a Semanata Santa – ye conoxer espeduquiando bels lucars molimentals y d´arquiteutura popular de ro Sarrablo setentrional ( l´Alda Galliguera, de Samianigo ta Tiarra Biescas ).

31-O3-1983. Salen de güen maitín de Zirigoza en o rastraz canfranero que lis mena ta Samianigo (71O mts. d´altaria). Dend´astí se´n amanan petenando 2 kms. ta ro bico rural de ro Puen de Samianigo do se i troba casa Batanero, siede d´o Museyo “Angel Orensanz y Artes de Serrablo”. Iste museyo naxe por l´intrés y esfugatas de l´asoziazión cultural “Amigos de Serrablo”, sensibilizatos enta la replega etnografica de ros trastes y artularios de ra cultura tradizional d´a redolata, ra cuala se´n ye malmetendo ascape debito a ra esistenzia de lumerosos nuclios albandonatos y l´enantato prozeso d´aculturazión. O museyo ye constimeso por bellas cambras tematicas, do s´amuestran piezas de: ferrería, masedría, pesas y mesuras, telar, agricultura, trasporte, corral, ofizios, bodega, forno, cozina y fogar, alcobas, tixius artesanals, merezina popular y o mundo de ro pastor. Ista asoziazión tamién s´adedica a la retraziadura y esbielle de ras ilesias meyebals d´o Sarrablo.

Miguel Ángel Pérez delante del Museo de Serrablo. Migalánchel debán d’o Museyo d’o Sarrablo

A lo que ban a salir, os Tocayos anotan os suyos parixers en o libro de besitas de ro museyo. Os comentarios que i escriben se publican – chunto a muitos atros – en 1993 en un libro editato por o Conzello de Samianigo y l´Estituto d´Estudios Aldoaragoneses, en a colezión “L´Alazena de yaya” n.1, escrito por Pilar Fanlo con o tetulo: “El museo Angel Orensanz y Artes de Serrablo según sus visitantes”.

A continazión trascriben entegramén ditos comentarios, con as notas de l´autora:

“La mayor parte de los testimonios de personas que se identifican como catalanes o vascos están escritos en su propia lengua.

Los testimonios en aragonés son más bien escasos y han sido realizados, principalmente, en el periodo de mayor “exaltación nacionalista”, coincidiendo con el auge que paralelamente tuvo el estudio y la difusión de la cultura popular y del aragonés como signo de identidad:

31/03/83

“YE UN MUSEYO MUITO POLIU Y CON UNA GRAN BARIEDÁ Y RIQUEZA DE TRASTES, ARTULARIOS Y BESTIUS QUE NOS HAN DIXAUS ESLUZIARNATOS. NORAGÜENAS A LA CHEN QUE HA FEITO UN TRIBALLO TAN GÜENO DE REPLEGA Y ALZADURA D’ISTA PARTE D’ARAGÓN”.

Firman Migalánchel Martín y Migalánchel Pérez

En este sentido, es muy meritoria la labor en pro de la recuperación de los valores lingüísticos de Aragón llevada a cabo por el “Consello d’a Fabla Aragonesa”.”

Anuncios