2. Puyando o Puardo de Buxargualo

Os Tocayos amallatan bel ratiquet y, ya que i son, s´aclaran rispeutibe a ro camín que lis cal prener. Pasan por o debanmendato e polito puan meyebal y s´enfilan amoniquet por o caminet eslexito, puyando guana costera por endremeyas d´un taxetar.

D´astí enda debán, baxo as zagueras rayatas de ro sol de ra tardata, o camín esnabesa por una clamoreta umedenga, an que se´n ban alexando de ros arbols y embezipia ro paxender, astí os Zerrigualdaires enzetan a presguardar-sen asapelo de ro peso de ra muchila, ro cansos que se i sianden y andimás Migalánchel Martín no ha adormito pon a zaguer nuait, pos ye estato treballando. ¡ Jolio, qué cuarpet !. Auto condino plegan chundo ta una linia d´alda tensión que malmete ro marbialloso paisax y, con cualgue zerina por o bombolonío y ro periglo, pasan por debaxo d´era.

Migalánchel Mart�n con el gorro y pañuelo baturro subiendo el puerto de Bujaruelo. Migalánchel Mart�n con o chapero y ro cacherulo puyando ro puardo de Buxargualo

Condinan o camín por uns pratos una mialleta repingatos cuan pretan a dandaliar si ban en dreitura, u por bel casual s´han tresbatito; andipardi que se´n ye fendo de nuaiz. Alifratos, inozendons y sin de noxión de cómo son plegatos ta iste condorniallo, enzetan a estomacar plaziblemén que no ne b´ha de replaniachos an estendillar os zacutos d´adormir, a luna brila grañaza, o zial ye lembedo y l´orache estibal: o millor ye aconordar-se-ne y, a ro menos, discansar.

Se´n ie achazillonan ro millor que puaden posatos en o recanziallo de ro tascal, no guaire luan d´una clamor con agundán augua. Por endremeyas de ras zaguers resluziarnatas de ro diya espleitan de l´ambiasta d´un paisax silenzioso en quedez e susiago totals.

Nomás se´n i ascuita que a lexana mormor de l´augua de l´arrigatuara zurrastiando-se-ne por os candals. Zenan de ro millor imblaz, sapendo bian ro que lis ne queda por debán. O Tocayo Migalánchel Martín barrunda que ba a estar a segunda nuait siguita sin d´adormir, y andimás de charrutiar con o suyo Tocay de ro debín, de ro umán y candar ixotas, cuasi a l´alba, sendindo-se-ne esbeilato, reblingato y con fornigueta, enzeta una petenata por o mon d´escuandra. Ta poder puyar millor por o paretón cuasi berdical se´n ba agarrapizando en a yarba y maticals, plegando ta una cochadeta, an que-ya amanixendo- se i troba uns pastors de Torla con zendenals de bacas e betiachos. Li comendan que s´endrezan por l´ibón de Bernatuara enda Gabarnía. (Por aqueras engualdas os Zerrigualdaires esconoxen que os pastors de Ballibroto tianen dreitos estatuezitos dende fa siaglos ta paxendar en cualgues parditas de ra bersán franzesa guagatiza con lur bal; andipardi d´atros achustes economicos, de paz y guan bizindax, segundes a “fazería” u “pazería”, tratato siñato por as bals de Broto y Barechas en 1.390).

O Tocayo beye astá baxo a Migalánchel Pérez y lo clama a chilos ta que se´n puye con l´afotiadora, pero íste no siande cosa, pos se´n ye amanato ta un saldo d´augua. Migalánchel Martín dezide allora de tornar-se-ne, baxando por un puasto más plazender, plegando canso pero goyoso d´a ixera efeutugata.

Endre que ro sol ya recute en os garmos y tucas y ba ganando terrén, comendan qu´ista ye estata una nuait muito espezial. Puéstar que seigan estatos una miqueta benatos y pocacholla pero ! si no´n fan de pizias cuan son chobens…. !

29-O7-1983: Dimbués de desayunar asapelo de relaxatos pero muito cansos, no lis se beye con guaires d´arrangues. A metá maitín escomenzipian a petenar muito amoniquet, lis cuasta un trunfo zangarriar-sen y a muchila lis pesa engara más qu´ayere, andipardi creyen que lis manga más de ra metá de ro puardo.

China-chana ban puyando, alufran a niau, os majizos paisaxes y ros paretons de Comachibosa, u Biñamala, y de ro Gabieto.

Collau de Buxargüelo y Os Gabietos. Afoto Fernando Carmena. Asoziaz. Amigos d’as Eras de Fraxén

Cuan a ra fin plegan en o puardo de Buxargualo u Boucharo 2.273 mts.-como diz o retulo i meso astí-, !olá, qué sospresa!: beyen una carretera franzesa que i plega dica ra mesma muga y meya uzena d´autos i albargatos.

L´ambiasta ye almirable, Tendenera enda ro Guaste, a zona de ra Bat det Poey Aspé y de Gabarnía ta ro Nordeste y atras mondañas y bals esconoxitas.

Deziden de chindar en primeras y dimbués, tranguilez y con suarde, prebar de fer dido ta que lis baxen ta Gabarnía, pos no i son ta guaires pindacodas.

Anuncios