8. Tramacastiella de Tena-Camín ta Pandicosa

Continando por a mesma carretera s´endrezan ta Tramacastiella de Tena (entre amos Castiellos), deseparato solamén 1 kmt., pistonuta promenata enredoliatos de pins y pratos. Tramacastiella lis fa goyo, más escambato que no Sandiniés y ambiestas sobrepolitas enta Peña Telera y enta l´entibo de Búbal, se troba a 1.221 mts. d´altaria. A ros d´astí lis izen “burlons” y “fanfarrons” y tienen dos conoxitos refrans ganaders: “Si quies qu’as güellas vayan bien, que pasen a punta de San Caprasio t’abaxo” y “Cuando florecen os artos, os machos d’a dula ya están fartos”.

También ye conoxito iste grazioso dito:

“He almorzato y no sé si he almorzato
m’he comito pan y medio
y medio de la otro pan
fanega y media de fabas
y a leche de bente crapas
y me paeze que no he almorzato”.

Os nomes d’as casas de Tramacastiella son:

Barrio Nabero: Labedán, Lagaya, Cotech, Barella, Policarpo, Santo, Pindón, Herrería, Berdriles.

Barrio Pinguelo: Mingarro, Gimeno, Capazero, Pelegay, Esferres, Marzala, Begola, Berdón, Pablo, Narbona, Blasco.

Barrio Chamediana: Parda, Blasco, Mariana, Périz, Caló, Patro, Herrero, Mempelegay.

Lis izen en iste lucar qu´en Pandicosa agún fablan bella mica ra fabla d´astí, o pandicuto, lis comentan que pregunten por un tal Sisto y o cortante de casa Lauré. Se trasquen una biera y crompan bellas postals en o bar de casa Blasco, do Migalánchel Pérez leye en os papels d´Aragón a nobedá de qu´ha fenezito en Mexico lo prestichioso enfilador de zine aragonés Luis Buñuel, ¡ ya ye lastima… !.

Migalánchel Mart�n y al fondo el pueblo de El Pueyo de Jaca. Migalánchel Mart�n y ta ro fundo ro lucar de Lo Pueyo de Chaca

Dinantes de jopar s´intresan por si ne b´ha bel alcorze pa marchar ta Pandicosa, lis n´endican muito bien: nabesando por una pista de tiarra plegan en kmt. y pico ta ra carretera nazional 26O. Continan kmt. y meyo, endreza ta Franzia, esbarrando-se-ne enta ra dreita por a carretera que mena ta Pandicosa, fendo bi ros zaguers 4 kmt. de toda ra cursa.

Pandicosa (del latín “pantix-panticis”: panza) se troba a 1.184 mts. d´altaria. Tienen as motatas de “mangarrotas” y “pandicutos” y bels ditos, y autros de toda ra Bal.

“Panticosa billa ermosa
gente de mala intenzión
qu’apedregaron o santo
que se llamaba Ramón”.
“Pa la Candelera sale ro sol por la punta la Fazera”.
“Mangarrota en Panticosa,
Pueyo y Hoz pozamingué,
Polituara y Búbal bienhalladas
Safumaus en Piedrafita”.
“Panticosa billa ermosa
lo más alto de Aragón;
Escarrilla está en un alto
y el Pueyo en el hondón”.
“En as fiestas de Partacua,
toz chomecan de fartos:
minchan, pizcan y zorrupan
mientres en cabe en o cuajo”.

Tejado y torre de la iglesia del pueblo de Panticosa. Tellato y torre de ra ilesia de ra billa de Pandicosa

Os nomes d’as casas de Pandicosa son: Agustín, Andresa, Atarés, Balén Bañe, Balentín, Berdón, Berges, Beroy, Birolo, Bizente Blango, Blanquillo, Breca, Breno, Bujé, La Burra, Cabalé, Cabellos, Calosa, Caperán, Caperana. Carlos-Gayón, Carmona, Casimiro, Catarrón, Zeledonia, El Basco, El Chico, Clara, El Cojo, Cosín, Cosme, La Cruz, Custodio, Dompedro, Epifanio, Escarrero, Estaulera, Fanlo, Fanlot, Faure, Ferrando, Ferrero, Fraile, Francho, Frutos, Gregorio, Guillén, Inazio, Inazia, Joaquina, Juansoro, Julia, Lauré, Larraz, Leonzio, Lucas, Julián, Maestro, Mairal, Malladas, Mamés, Manicuro, Manso, Marco, Martón, Masanaba, Matea, Mateo, Millé, Mina, Mingarroyo, Miñón, Palazio, Partacués, Pascualito, Patrizio, Pecho, Pedroguillén, Pedrojuán, Pedrolacasa, Petrolo, Pedromiguel, Pedrón, Pelaire, La Peña, Pepeta, Perico, Perorán, Pesico, Pichirín, Pifo, Plan, Randas, Rodiós, Rogel, Romana, Sanjuán, Santamaría, El Santo (Guallart), Sastre, Sasús, Serafina, Tabernero, Tartilla, Zorrullo, Trato, Zapatero, Zirujano.

Plegan ya a ra tardata y, chunto a una fuen, discansan y zenan. Rechiran puesto p´adormir, eslixindo como cubilar o sulero de ras obras d´unos pisos que i son costruyindo. Dinantes de i chitar-sen se´n ban a zerrigüeltiar bel poqué por Pandicosa, rematando en una tabierna do trasquen bebitas caliens.

Anuncios