3. Gabarnía-Peirahita

En o preto de ra tardi, dimpués de bellas prebatinas esturrufiatas, dos aimables y bogals franchuz lis dixan en o lucar de Gabarnía, dimpués de 11 kms. de remarcable baxata, durán a cuala Migalánchel Martín alufra de nuabas a ros pastors torleses plegando -sin os rabaños, que ya se´n son quedatos en os tascals, paxentando – en o nuclio urbán.

Lo primer que fan os Tocayos nomás i plegar ye enfilar cara ta ro cámbin de Gabarnía. Astí trasquen una biara, minchan bel poquet y rechiran un puasto t´adormir en os patrals de ro cámbin. Cuan l´han trobato, Migalánchel Martín, que ye escamallato y aplanato de soñera, s´encada en o zacuto d´adormir. Migalánchel Pérez alufra cómo s´acubilla ra cara con un tricot ta que no li dé ra solaina y s´aduerme desiguida. Migalánchel Pérez se´n ba a garimboliar por o lucar, merca unas postals y antis que no s´aiga feito de nuaiz se chita tamián. Aduermen a garrón cayito tota ra nueit, y Migalánchel Martín se´n debanta a l´atro´l diya con cremazos en as mans, pos yeran quedatas escubillatas de ro sol a tardi d´antis.

3O-O7-1983: Dimpués d´apoquiñar o cámbin y desayunar, prexinan qué ferán en adebán. En primerías a ideya yera tornar-sen por o mesmo puasto, y dimpués marchar ta Pandicosa, pero agora no lis ne peta de fer isto, asinas que preguntan ta qué puastos ban os autobuses que marchan de Gabarnía. Lis izen que desiguida ixirá un autobús ta ro lucar de Peirahita, y deziden d´amontar-se-ie.

El Ayuntamiento de Pierrefitte (Francia). O Conzello de Peirahita (Gascuña)

O lucar de Peirahita ye plandificato en una planera de ra “Vallée des Gaves” y anque no ye en o preto de ra mondaña, lis parix más polito que no Gabarnía.

Calle de Pierrefitte (Francia). Carrera de Peirahita (Gascuña)

A Migalánchel Pérez l´agana minchar una mialleta de formache franchut, asinas qu´en merca en una “charcuterie”, tamién alquiere-más que más como remeranza- un periodico local.

Dimpuesas chintan y fan una gambadeta por o lucar, afotían a escuela, o Conzello y cualques casas, dica que Migalánchel Pérez beye un retulo de ro “Syndicat d´Initiative Touristique” en o que i mete que a l´atro´l diya bi ha un biache organizato-qué casolidá- ta Pandicosa. En leyer-lo deziden os dos de bez que cal apuntar-se-ie. Ye una mingala unica que no se pué desaprofeitar.

Migalánchel Mart�n en la entrada de una casa de Pierreffitte (Francia). Migalánchel Mart�n en l´entrador d´un casal de Peirahita (Gascuña)

Enfilan cara ta ra ofizina de torismo, como encara en quedan de plazas se´n i apuntan y bosan; a muller que lis atiende fabla español porque ha triballato bellas añatas antis en l´ostal “La Peña” de Santa María de La Peña (Güesca). Fan una charrada muito intresán y li preguntan por un puesto tranquilo t´amallatar con o zacuto ixa nuey. Era comenta que n´o zespede de casa suya i sereban muito bian y lis anima a que l´alcompañen ta casa cuan remate de treballar. Lis parix una ideya sopregüena.

Anuncios