10. Dispedida. Chaca

Han pasato una tardi asapelo d´implazera y pistonuta. Dimpués zenan chunto a una fuen, remenando ro esdebenito en un diya tan fruitifero, y anque no han podito charrar con os tioricos millors fabladors de ro pandicuto, a ro menos han oíto por autras presonas ro poco que i remane d´ista embelecadera barián de ra luenga aragonesa en ista bal encantuchadera.

Aduermen por zaguer begata en o sulero de ras obras.

3-O8-1983: Se debantan muito trempano, desayunan, y aguardan a que salga desiguida l´autobús de tornata.

Astí remata o biache de ros Zerrigüeltaires. Han alufrato y petenato por sosprendens paisaches chunto a ro Parque Nazional d´Ordesa y Pirinés franzeses, han besitato lucars gascons esconoxitos, s´han rilazionato con chens muito coradals, han ascuitato ro patués gascón y comprebato a situgazión d´escopetiato albandono qu´endura l´aragonés de ra Balle Tena, ra salbachata e sinchustizia de Lanuza; pero tamién han espleitato d´as suyas pistonutas chens y politos paisaches. Ye por tot ixo por lo que cuentan qu´ista ye estata una espedenzia sinsegundiable.

Actuación de un grupo en el Festival Folklórico de los Pirineos de Jaca (Foto Pepe Benaul). Autuazión de un rolde en o Festival Folklórico de los Pirineos de Chaca (Foto Pepe Benaul)

Migalánchel Pérez contina encara un diya más por istas tiarras; marcha ta Chaca a beyer o “Festival Folclórico de los Pirineos”. Tornando ta Zirigoza cumple con o compromís d´entregar os afotos de ros franchuz en l´ostal de Santa María d´A Peña….; pero ixo ya ye farina d´unatro costal.

Actuación de un grupo en el Festival Folklórico de los Pirineos de Jaca (Foto Pepe Benaul). Autuazión de un rolde en o Festival Folklórico de los Pirineos de Chaca (Foto Pepe Benaul)

Actuación de un grupo en el Festival Folklórico de los Pirineos de Jaca (Foto Pepe Benaul). Autuazión de un rolde en o Festival Folklórico de los Pirineos de Chaca (Foto Pepe Benaul)

Anuncios