5. Blas Castán-Entrevista

EXCURSION A AYERBE EL 2 DE OCTUBRE DE 1983

Blas Castán, como medio de vida, realiza trabajos del cuero, en especial las botas de vino y los corambres. Es la tercera generación de un linaje de artesanos y el año anterior consiguió el primer premio en su especialidad, en el concurso-exposición provincial de artesanía de Huesca.

Así lo expresa este dicho:

“A profesión de botero
ye un oficio dibino,
en echando una botana
tiene pa pan y pa bino”.

Enseguida empiezan a conversar en aragonés de forma natural, y empieza a subir y empieza a moverse por casa buscando cosas y escritos para enseñarnos.

Migalánchel Pérez, Migalánchel Mart�n y el Botero de Ayerbe D. Blas Castán con una muestra de sus trabajos. Migalánchel Pérez, Migalánchel Mart�n y o Botero d´Ayerbe, D. Blas Castán, con una contrimuestra d´os treballos suyos- y alcompañau por un bizino

De estas charlas tan entretenidas con el Botero de Ayerbe, grabadas en el magnetófono, eligen los trozos más interesantes, que se publicaron con el título “De parola con o botero”, en la revista Jacetania nº 110 (Junio 1984), p.33.

DE PAROLA CON O BOTERO

A entrebisteta de debaxo, l’en fizimos á . Blas Castán en a puerta de casa suya, en a Plaza baja d’Ayerbe. Cuando nos azerquemos á él yera liendo o periodico en os porches, pero ascape “pillemos capazo” y empezipió á puyar, baxar y rechirar, p’amostra-nos as cosas suyas, sus artularios, escritos y demás.

Este buen ayerbense, ya sesentón pero campechano y de sano aspeuto, ye un ejemplo á siguir en o que se refiere á conserbazión de tradizións y d’o caráuter y personalidá d’ista tierra que beye á tantos que reblan u fan traiduría á la suya radíz popular.

De a larguiza y amena charrada con o botero, esligimos os piazetes qu’emos trobáu más interesantes pa os leutors, prenzipiando con una de as preguntas que li fiziemos.

También queremos recalcar que to’l rato se charruquió en lengua aragonesa.

-Siñor Castán ¿nos puede esplicotiar cómo se fan as botas?

-Con piel de craba. Se coge a piel de craba, se le pone a sal, dispués se rade, luego se curte, dimpués se cose y se pone a secar, se soba y se le pone a pez, o brocal y a poner o bino.

-¿Cuánto cuesta fer tó ixo?

-Llevará pues… bel par d’oras.

-¿Cuántos boteros quedan en Aragón?

-En quedan d’artesanos sólo yo, porque os demás ya lo fan todo con maquínas.

-¿Fa usté bella otra cosa que no sían botas?

-Sí, fago un calzero tamién, muito antiguo.

-¿Cómo se clama?

-As abarcas de pelo; cuando empezaban á caminar calzáus, se las feban ellos y a chente iziba:

“Abarcas de pelo,

siete diyas con pelo,

siete sin ello

y siete con o pie n’o suelo”

Ye que no teneba o d’abajo fuerte, yera como o d’arriba y se rompeba enseguida.

-¿A piel de qué ye?

-De craba, agora no’n fago porque se pierde muito tiempo y no se sacan dineros.

-U siga que a chente no en crompa.

-¡Bah!, ¡que no’n quiero fer! Cuasi lleba un diya pa fé-lo y pa cobrar 400 duros… no se pueden fer. Algún compromiso qu’otro que no yay más remedio que fé-lo, pero ná más. Os zapatos de as tiendas los fan con as maquínas, los cogen, los prensan y enseguida se fa un zapato y balen muitos dineros, y esto… esto se fa tó a mano y no pué ser. Ultimamente los feba sólo pa lujo, lo bierán o día’l Pilar pa la Ofrenda, que algunos lleban d’esto que me lo han compráu á mí, sólo pa ixa miquina.

-¿Quién continará con o treballo de as botas?

-O fillo mío, pienso.

-¿ye choben?

-Sí qu’en ye. Tiene 30 años, asina que pienso que a tradizión no corre peligro de perdé-se.

-A proposíto de perdése y cambeando de tema: ¡en qué situazión s’alcuentra la fabla aragonesa en Ayerbe?

-O charrar d’esta redolanza tiene chicorronas diferenzias de unos lugaróns a otros. Yay muita chente que l’ha dejáu de charrar, muitas bezes por bergüenza, porque diziban que ixo yera que no sabeban charrar y s’en rediban…, se ha perdido muito en os ultímos tiempos.

-Usté lo charra con bastante pureza, ¿yay más chen que lo charre puro?

-Entuabía yay bel biello pu aquí y pu allá… a demás chente lo mezcla muito, ¡ixo os que aún en charran!, tamién está Gella, o cortante, que bibe aquí al láu, éste lo charra poco pero escribe todos os años en o programa d’as fiestas de Santa Leticia.

-A bier si s’anima usté á escrebir más dispués de que l’han publicáu ixe saineter en as “Fuellas” de Uesca.

-Sí, sí, sí, sííííííí, estoy fiendo un cuento de unos d’Ayerbe, Migalé y Letizia, que son nobios y él se ba d’emigrante t’a l’Argentina que los clamaré: “Os nobios de antes”, y otro sobre un cheso, de cuando bajaban t’aquí á buscar yerbas con o ganáu. Estos dos cuentetes son muy largos y os llebo en a cabeza, cuasi no los he escomenzáu á escribir….

Migalánchel Mart�n casi en lo alto de la torre románica de San Pedro en el pueblo de Ayerbe. Migalánchel Mart�n cuasi n´o cobalto d´a torre romanica de San Pedro d´Ayerbe

Anuncios