1. Datos Chenerals

ESCORSA ENT’ AYERBE O 2 D’OTUBRE DE 1983

As miras d´a escorsa ent´Ayerbe, antimás de besitar a billa, ye conozer o zaguer botero artesano qu´en queda n´Aragón, D. Blas Castán Susín y, si puéstar, charrutiar con él n´ayerbense.

Salen de güena mañana y s´amontan en o´sturraz-canfranero que les dexa en a billa d´Ayerbe.

Ayerbe (del latín “eremus”: yermo) s´alcuentra en o Semontano Pirinenco a 28 kms. t´o Norgüeste de Güesca, a 582 mts. d´altura y tien una poblazión de 13OO abitadors, que s´adedican más que más a os cautibos d´a tierra: zerials, bite, almendreras, oliberas y frutals.

La torre del reloj y el Palacio de Urriés en la plaza de Ramón y Cajal en el pueblo de Ayerbe. A torre d´o relox y o Palazio d´Urriés en a Plaza Baxa d´Ayerbe

Os molimentos más risaltaus son: o palazio d´Urriés, u d´os Marqueses d´Ayerbe, d´os siglos XV yXVI, a Torre zebil d´o Relox de finals d´o XVIII y sobretó a torre romanica de San Pedro, unicos repuis de l´antigua ilesia que i eba. En o casco biello (O Lugaré) entuabía i quedan bellas costruzions d´o siglo XVI con galerías en arcada de meyo punto y portaladas adobelás, como a casa n´a que bibió enta 186O Santiago Ramón y Cajal durante bellas añadas d´a nineza suya. Por zierto, que Ramón y Cajal plegó fablando castellano, pero en Ayerbe se´n tornó bilingüe, aprendendo l´ayerbense con os compañers suyos d´a escuela, que no sabeban fablar d´otras trazas, dizindo forato por agujero, no pas por no, tiengo y en tiengo por tengo o tengo de eso, aivan por delante, muller por mujer, fierro y ferrero por hierro y herrero, chiqué y mocete por chico y mocito, abríos por caballerías, dámene por dame de eso, en ta allá por hacia allá, m’en voy por me voy de aquí……

Vista general del pueblo de Ayerbe. Bista cheneral d´a billa d´Ayerbe


Anuncios