2. Laguna de Sariñena. Ramón Bernad

En plegar ta Sariñena, s´endrezan en primeras a besitar “La Laguna”. Ye situgada muito zerqueta d´a poblazión, estando a segunda más importán d´Aragón dimpués d´a de Gallocanta. S´alcuentra en un chiquer acudidero enfuesau, penchau en l´entrerríos d´o Flúmen y l´Alcanadre.

Migalánchel Pérez con el pastor D. Ramón Bernad en la laguna de Sariñena. Migalánchel Pérez con o pastor D. Ramón Bernad en a lacuna de Sariñena

La Laguna esdebiene o destín de milenta abes que ibiernan, discansan u aniedan astí; se pueden i alcontrar abes como: garrapescaire y garrapescaire royo, pescairet goyero, gallomarino, abitor, capuzete gran, aneda blanguinegra, auca, aneda, guite collilargo, aneda cullarón y roya, alica de laberca, alica pescaira, sartanero, gabiyota, alforrocho, falcón, gruda, abellero, bubuto, chorlobita u algarabán, falzeta tripablanga….

Migalánchel Mart�n ¡Qué pose, y qué joven! en la Laguna de Sariñena. Migalánchel Mart�n ¡qué güena planta de chobeñón! en “La Laguna” de Sariñena

Pasiando chunto La Laguna s´enziertan con un pastor y o suyo rabaño. Paran cuenta desiguida que ye prou rozero, lo cual que -ascape- i pillan güen capazo. Se clama Ramón Bernad, bibe en Sariñena y ye d´un lucar d´a Montaña clamato Bies pertenexién a Puértolas an qu´encara i bibe ro suyo chirmán que tamién ye pastor. A ros de Bies es izen “mosquerizos” y “zalapiercos” y tienen un dito

“Ta la fiesta de Bies
fan as almondigas
con os pies”.

A ros de Puertolas les izen “estozagatos”, “estozaperros” y tamién “zalapiercos”.

Les elumera os nombres d´as casas de Puertolas Superio, Sasé, Boí, La Plaza, O Ferrero, Zerolas, Cuello, Pascual,Tomás, Justo, Luis, Chaimé, Galizia, Chusto y Bizién. De Bies, as dos que ne b´ha: a suya, que ye casa “O Señor” y “Marzial”.

Migalánchel Mart�n con el pastor D. Ramón Bernad en la laguna de Sariñena. Migalánchel Mart�n con o pastor D. Ramón Bernad en a lacuna de Sariñena

Les comenta tamién bocables aragoneses de ra suya redolata:

chonzana, fer, fecho, palla, tocho, güellas, crabas, Chazinto, Francho….

Lis rezenta atras cosas sopre Chistau, Laspuña, Chisagüés, Tella, Ballibió y que an fablaban l´aragonés más zarrato yera en Escuaín.

Os Tocayos se dispiden d´o siñor Bernad agradexindo as informazions recullitas y, más que más, l´amabilidá suya.

Fan una gambadeta por os paraches d´a Lacuna, i fan afotos y s´aturan a chintar.

Dimpués d´un rater, localizan l´adreza de “el Gaitero de Sariñena” y s´endrezan a conoxer-lo.

Anuncios