3. Juan Mir con a suya gaita de boto

Juan Mir Susín lis aculle con modos seriosos, pero muito amables. Como lis diz, ye l´amo d´a zaguera gaita aragonesa “desmontada”. Paizeser que pertenezió denantes a unotro gaitero muito güeno, que fenezió antes d´a Guerra Zebil.

Juan Mir Sus�n con su gaita de boto (hace unos años)

A gaita de boto aragonesa ye un estrumento mosical ariofono carauterizato por tener un alzillo d´aire ta lo que s´acoplan tubos sonoros de tiara aforratos de pelleta de crapa y unatro ta ficar l´aire.

Bi ha ditos y esprisions referitos a ra gaita y o gaitero:

“La mujer del gaitero
tiene fortuna
porque tiene dos gaitas
las demás, una”.
“O gaitero d’o lugar,
toca o mismo u toca mal”.
“…hagamos el tarirán
y aprieta el codo, gaitero…”
“Válgame Dios de los Cielos
l’has feito com’una santa;
con a torta que has tirato
nos has reventau a gaita”.
“La repuñetera de mi gaita
cuando tiene vino que bien canta
y cuando no tiene se enfada y se aguanta”.
“O palico la gaita”.
“El clarín de la gaita de Sariñena
tiene cuatro ‘oídos que los llama respiradores’ ”

(Referindo-se a lo clarín d´a gaita de Juan Mir).

Juan Mir les amuestra y describe a gaita y os suyos componens:

Descripción de los componentes de la gaita de boto

BOTICO de pelleta entegra de crapito de 25 litros de capazidá y rebozato por os aintros con pegunta.

BESTITO estampato de colors bibas p´adornar o botico(por un regular, faldas de muller).

BORDÓN de tiara aforrato con siet u güeito napas de pelleta de cullebra, que da una nota grau.

BORDONETA, más chiqueta que lo bordón y que da una nota más acuta.

CLARÍN , ye o tubo melodico, o que fa lo son, con cuatro foratos de resonanzia.

SOPLADOR, ye o que fica l´aire en o botico, con balbula de cuer en a estrimera.

PITA de cañica.

ZEPO, ye a pieza de tiara do se i fica lo clarín.

BOQUILLA de metal biello.

ESTOPA, pa libelar más finiello u más bastuzio.

Anuncios