1. Datos Chenerals. Ditos

ESCORSA TA SARIÑENA LO 13 DE NOBIEMBRE DE 1.983

A ideya d´a escorsa ta Sariñena ye besitar a suya lacuna y conoxer a Juan Mir Susín, lo zaguer gaitero qu´entrepetó con gaita aragonesa de botico lo Danze de Sariñena, dica l´año 1.975, amás d´estar lo suzesor direuto d´os antigos gaiters qu´iban aprendiu de repatans con lo ganau.

Salen de mañanas amontaus n´o tren que les dexa n´a Estazión de Sariñena; dend´astí enfilan pu´a carretera que biene de Güesca, petenando bel par de kms. dica plegar en a billa de Sariñena.

Sariñena (Antrotopónimo latino: “Sarinius”) ye situgada chunto lo rio Alcanadre a 281 mts. d´altura y a 48 kms. enta lo sur de Güesca. Con cuasi 4.OOO abitadors ye a poblazión más importán d´a redolada natural d´os Monegros, adedicaus más que más a l´agricultura y comerzio.

Os molimentos más importans son a ilesia de San Salbador, de zaguers d´o sieglo XVIII y en os alredors d´a poblazión l´armita de Santiago, d´o sieglo XIII. Sariñena zelebra as fiestas grans a primers de Setiembre n´a onor de San Antolín y o diya 2 se i represienta lo Danze, uno d´os más emplenaus y de gran ricura mosical.

Iglesia de San Salvador del siglo XVIII del pueblo de Sariñena. Ilesia de San Salbador d´o sieglo XVIII de Sariñena

A os de Sariñena les izen “carnones”, “membrillos” y “gente de medio pelo”.

Tienen bels ditos rilazionaus con a billa y os lugars d´alredor.

“Sariñena la piojosa,
Lalueza la repiazada
Alcubierre los zanguangos;
Lanaja la flor granada”.
“Vive en Sariñena
y tendrás la tripa llena”.
“En Sariñena, villa plena,
quien no trae, no cena”.
“Entre rabosos (Albalatillo) y calvos
y gente de medio pelo (Sariñena)
armaron un guiricay
en el monte Pallaruelo”.
“En Capdesaso ganchines,
en Lastanosa rabosos,
membrillo en Sariñena
y en Huerto están los porros”.
“Rabosos en Villanueva,
membrillos en Sariñena,
rabosos Castelflorite
y los melones en Sena”.

En plegar ta Sariñena, s´endrezan en primeras a besitar “La Laguna”. Ye situgada muito zerqueta d´a poblazión, estando a segunda más importán d´Aragón dimpués d´a de Gallocanta. S´alcuentra en un chiquer acudidero enfuesau, penchau en l´entrerríos d´o Flúmen y l´Alcanadre.

Anuncios