9. Plan-San Chuan de Plan-Campamento “Virgen Blanca”

24-O7-1.982. To´l diya en la bal. Migalánchel Martín y Migalánchel Pérez tornan chuntos con uns compañers de Graus y de la “Franxa” -que parlan “catalá d´Aragó”- y que tamién puyan ta Plan, t´an que i arriban chusto ta chugare en o cambo de fúrbol “Salitaré” er partiu de fúrbol -a las güenas- entre una “triga”de la Gambada Pirinenca y l´equipo de la “Unión Deportiva del Alto Cinca”, con las resultas de 2-O ta es de la Gambada.

Después del partido de fútbol en o cambo de “Salitaré” de Plan, los equipos de la Marcha Pirenaica y los del Alto Cinca, 2-0 para los primeros, juntos en una foto. Dimpués d’o partito de furbol en o cambo de “Salitaré” de Plan, os equipos d’a Gambada Pirinenca y os d’o Aldo Zinga, 2-0 ta ros primérs, chuntos en un afoto

A´l tarde, en San Chuan de Plan, debate sobre cultura pirinenca con la partizipazión de María Bobadilla, antropologa profesora de la unibersidá zentralde Barzelona, Eugenio Monesma, fetor de peliculas, Josefina Loste, bezina de San Chuan de Plan y Fernando Romanos, miembro del rezién creyau Ligallo de Fablans de l´Aragonés. Chigantes y capezudos con el grupo d´Alcoleya d´a Zinca y grupo de taller de musica de Binefar. Aduermen n´a escuela de Plan.

San Chuan tiene de motada “vaqueros” y “torruecos”, y Chistén ”talapéns y “torruecos“.

En a bal bi ha autros ditos:

“Amores tengo en Benasque,
amores tengo en San Juan,
amores tengo en Chistén,
y los más firmes en Plan”.
 
“Es Carlistas,
cuan benión,
del Pin t’alto no y-pasón”.
 
“Pa sabiduría las mullés d’antes
y pa despilfarrería las mullés d’ahora”.
 
“Ta San Antón de chiné, metá pallé,
metá grané y el latón enté,
y cada güella con su cordé
y una hora más ta’l trachiné”.
 
“Más vale en una casa’scobá
que una fusá filá”.
 
“Chistén está en un alto
y San Juan en una cuesta;
dichosa valle de Plan,
cuántos sospiros me cuestas.”
 
“Es de San Chuan,
si no te l’han feta,
te la ferán”.
 
“Torruecos de San Juan,
poco bin y menos pan,
torruecos de Chistén,
mucha mierda en la sartén.”
 
“Ta puyásene ta Chistén
cal menisté güen arguello
que ye muy alto el lugá
y es mozos masiáu zereños.”

25-O7-1.982. De mañanas, a´l canto la´scuela de Plan, Sergio Arrojo-el caganiedos del grupo- zelebra el suyo cuarteno cumplaños con tarta ta toz.

Celebrando  en Plan el cumpleaños de Sergio, hijo de  Pedro Arrojo. Zelebrando en Plan o cumplañatas de Serchio, fillo de Pietro Arrojo

CURSA: Plan (1.119 mts.) – San Chuan de Plan (1.127 mts.) – Campamento Virgen Blanca (1.550 mts.)

Grupo Folklórico de San Juan de Plan bailando en el Campamento Virgen Blanca. Corro d’es bailes de San Chuan de Plan bailando en o Campamento Birchen Blanga

El camín-pista a´l canto la Zinqueta arriba dica t´an que s´achuntan la Zinqueta de Lapez y la Zinqueta d´Anescruzes, n´el patral del campamento “Virgen Blanca” (campamento de chobens de “Acción Católica”, a´s que l´arribada d´es “de la Marcha” no les ba fere güeire güen prebo).

Postal del Campamento Virgen Blanca, al fondo Valdemere. Postal d'o Campamento Birchen Blanga, a ro fundo Baldemere.

 Chocante mezclallo entr´es que i arriban, els, y es grupos que i autuan: Taller de Musica de Binefar y Corro d´es Bailes de San Chuan de Plan, grupo más que más de mullers, enfiladas per la suya churada gran, Josefina Loste, y embrecadas a guardar as danzas y tradizions de la Bal de Chistau, trasmitidas de pais ta fillos dend´antis más.

Anuncios