6. Clusa d’Añisclo-Escuaín

19-O7-1.982. CURSA: Nabesata de ra Clusa d´Añisclo (1.OOO mts.-1.6OO mts.)-Cuacho Bizeto(2.O1O mts.)-Escuaín(1.2O9 mts.).

Espedenzia sinsegundiable alufrando y nabesando ro Cañón d´Añisclo, una clusa fendita endre mondañas, constimesa por parez berdicals de 1.OOO mts d´eslibel escabonatas por o marabielloso y salbachín arriu Bellós. Paisache ripedo y de grans esferenzias; enda par d´abaxo: telleras, faus, abetoches y abillaneras, enda par d´aldo: pins, carrascas e caxicos. Es más indrepites se i capuzan en l´arriu. Dimpués lis pertoca a toz patir una fordal tronata de berán por Cuacho Bizeto, no guaire luan de ra Cochata d´Añisclo, en una estreita y enluangata espelunga chundo con tres pastors que cusiraban por astí lur ganato. Os tocayos ascuitan por primer begata en a bita fablar a un d´ixos pastors en l´aragonés d´ixa redolata. Remeran ta cutio con tota claredá bella frase, por exemplo: “al canto las güellas por ixa zingleta”.

Los Tocayos en Añisclo, junto al r�o Vellós y sus compañeros. Os Tocayos en Añisclo, chunto a ro r�o Bellós y os suyos compañers

Segundes o diyario de Migalánchel Martín: “….a lo diya benién mos bantamos a ras zinco y meya d´a maitinada y baxamos t´Añisclo !qué polido que ye¡ tó ye bexetazión, bi-ha augua y mayencos(sic) por toz os puestos, lo rio Bellós fa una sinfinidá de güeltas y regüeltas y baxa en cascadetas u s´en susiega en pozas y fondas(sic) de gran fermosura. A gambada ye cansa pero polida, tiengo los piez estricalláus y me s´han fincáu xordigas y atras plandas por as garras, os brazos y as mans, me se fincan as zinchas d´a mochila en os güembros pero bi-ha que continar.

A ra meyodiada escomenzipian a cayer aguarruxos, que bien luogo se tornarán en un gran burz, mos cubillamos n´una zingleta en o cobalto d´o cañón; s´en puede beyer o naximiento d´o rio Bellós en meyo d´o cortáu fluyindo d´a peña. Se cubillan con nusatros tres pastors. Escomenzipian a fablar d´as suyas cosas. En hay(sic) dos que charran o castellano normal, con azento estranio, meyo catalán meyo franzés (que ye l´azento d´a zona por o que se beye) y un atro con un azento más aragonés que risulta charrar muitas parolas aragonesas y mesmo bellas frases entegras n´aragonés….”.

Los Tocayos en Escua�n. Os Tocayos en Escua�n

Dimpués plegan en Escuaín, lucarón esbarrato de raso d´a “zebilizazión”, ta ro que s´arriba por pistota asabelo de malmesa, prauticamén albandonato, anque condinan en guan estato bel par de casas, antimás de la d´un pastor y d´unos foranos. Os tocayos aduermen con o pastor en a suya casa.

M. Martín con el pastor y otros compañeros en Escuaín. Migalánchel Martín con o pastor y autros combañers en Escuaguín.

M. Martín con el pastor y otros compañeros en Escuaín. Migalánchel Martín con o pastor y autros combañers en Escuaguín.

Emozionán y espeitacular poblazión qu´afotían de guan implaz, situgata n´un tozalet, an que i sopreixe ra ilesia con o suyo fosal y redoliata por tot de natura sanzera. A ros de Escuaín (Antrotopónimo latino de un poseedor : “scotus”) les claman “cremallizos”.

Vista de Escua�n con su iglesia y cementerio. Ambiesta de Escua�n con a suya ilesia y fosal

2O-O7-1.982. Güe ye diya de discanso, baxo ra mosquera d´una tellera chindan toz os nabesaires. Más tardi, como ye una zona plena d´augua en fozes, barrangos e galoxes, uns se´n ban ta l´arriu Yaga, cuasi 3OO mts. de baixata dende Escuaín, y autros poquez como ros tocayos petenan por a pista 1 Kmt. dica que beyen a clamor d´un arrigachualo afluyén de ra Yaga con pozetas y badinas an que bañar-sen escoritos y gronxiar-sen a plazer. Dimpués cullen plandas medizinals como menda, tremonzillo serpol, tellera, erba blanca y esplico. En Escuaín, a ras 12 d’a nuei dende a casa d’os foranos, una francesa se i mete a canturriar opera, ascuitando enluzernatos o nuabo escaizimiento.

Los Tocayos con algunos compañeros de la Marcha descansando debajo de un tilo en Escua�n. Os Tocayos con bels compañérs d’a Marcha discansando debaxo de una tellera en Escua�n

Anuncios