1. Agüero

ESCORSA ENT´AGÜERO LO 12 D´ABIENTO DE 1982

Primera escorsa embelecadera y estorica d´os Zerrigüeltaires. Migalánchel Pérez y Migalánchel Martín besitan en un friyo diya d´ibierno lo lugar d´Agüero con a intinzión de conoxer os paisaches y as suyas chens.

Os tocayos deziden que a suya primer escorsa solos siga ent´Agüero, por a posibilidá de fer-la en una sola chornada grazias a o tren. Migalánchel Pérez combenze a o tocayo suyo pa que se pille una zinta de caset, por si por bel casual se podese grabar a beluno d´o lugar.

O 12 d´Abiento de 1.982, á primer ora d´a mainnana s´amontan en o´sturraz canfranero con destino en a´stazión-apiadero Riglos-Conzilio a 511 m. de altaria.

Dend´aquí les caldrá espeduquiar 8 kms. – alto u baxo – por carretera dic´Agüero. Risulta un poquer canso, pero lo paisache y a baruca chobenil por conozer-lo les en da rasmia de sobresoma.

Migalánchel Mart�n, detrás la Ermita románica de Santiago de Agüero. Migalánchel Mart�n, dezaga l’armita romanica de Santiago de Agüero

Cuando están en un tris de plegar en Agüero se´n quedan entrepillaus de sopetón, en biyendo lo lugar acubillau por os suyos mazorrals Mallos.

2.	Migalánchel Mart�n y al fondo el pueblo de Agüero y sus mallos. Migalánchel Mart�n y a ro fundo o lugar de Agüero y os suyos mallos

Drento d´Aragón esistió unotro Raino, a sobirana d´o cualo se clamó Berta, tenendo por capetal o monezipio d´Agüero. O breguaz Raino nazió en 1.O97, fruito de lo dote que Pietro I l´atorgó a la qu´estió a muller suya, Berta. Alifonso I esbielló os dreitos de Os Mallos, que se mantúbon -prexinablemén- dic´a muerte d´ella en l´año 1.111.

A ilesia parroquial d´Agüero d´o sieglo XI y a de Santiago d´o sieglo XII son romanicas, ista zaguera ye más ampla que luenga.

Dizen que as tronadas fuyen d’o lugar cuan bandea a campana gran: “Cuando zurrumbia lo masto”.

Bi ha una mazada ganadera en a que deziban: ¡Dame teta lalééé! !No m’en des muita que m’afogaré!

Os d’Agüero (Sumidero de aguas de lluvia) tienen a motada de “Caracoleros”, antimás tienen un dito:

“Agüero caracolero,
caracolero ladrón
que espaldaron siete tapias
por coger un caracol”.

En 1975 Chorche Cortés replega os nomes de casas d’Agüero y de Sanfelizes; dimpués se publican en a rebiesta “Fuellas”, lumero 90 (chulio-agosto 1992), con o tetulo “Nombres de casas d’Agüero y Murillo d’o Galligo”, amostran astí os nomes de ditas casas:

Agüero: Abadía, Aguau, Agustín, Alejos, Allué, Amado, Ana, Andalezio, Andrés, Anselmo, Antón, Antonier, Aurea, Balero, Baltasar, Barballa, Barranco, Basilio, Batallón, Bautista, Belarre, Benita, Bergüés, Beturián, Bidosa, Billa, Billacampa, Billarroya, Biñas, Blasico, Blasón, Borau, Boticario, Calderero, Calistro, Camilo, Camo, Campos, Canales, Caracol, Carapas, Carrachina, Cascante, Casero, Castino, Codarrasa, Coles, Corona, Cortés, Cuartero, Cubero, Cura, Chacobe, Chuan Antón, Chan Barranco, Chan Callau, Chan de Blasco, Chan de Palazio, Chan de Périz, Chato, Criboso, Chiménez, Chorche, Chosepico, Chosepón, Chusca, del Dios, Dominga, Domingo Eugenio, Elena, Estadillo, Estanco, Estanquera, Entrada, Felipe, Ferrero, Florentina, Fornero, Horqueta, Francho, Fuertes, Gazinto, Germana, Goleta, Grabelón, Guasa, Jordán , Jorge, Juan Lino, Laín, Lanzalas, Librada, Linasera, Lorbés, Lorenzico, Luisa, Luzieta, Madalena, Maestra, Maldades, Malón, Manata, Manolín, Maria Clara, Maria la Pega, Marianaz, Marieta, Marrabil, Martín d’Auguas, Martinaz, Martínez, Maurizia, Maza, Merina, Migalón, Molinero, Molondro, Moncha, Mosén Lucas, Narciso, Odre, Hortelano, Ortillesa, O (e)sposo, Paje, Palazio, Panadero, Pastora, Patalagana, Patetas, Patín, Pedro Périz, Pelaire, Peñasca, Pepico, Pequeño, las Perras, Pes, Picha, Pichorro, Piquero, Porinario, Porta, Posa, Provincial, Quiquena, Ramiro, Ramoner, Rana, Real, Rebomboner, Remundín, Retor, Roca, Rochil, Rocogenio, Rocón, Rorenzio, Rosalía, Royo, Royo Manuel, Ruso, Sabalza, Sabina, Samitier, Saturnina, Siberiano, Segallo, Segunda, Segura, Serrador, Sidora, Simón, Sisto, Sorda, Subién, Teodora, Tixidor, Toner, Traquete, Trebuzio, Tuerto, Uerta, Ugenio, Usar, Xaxara, Yepas, Yerna, Jamaica, Zapatero, Zibil, Zorro, Zurdo.

Sanfelizes: Callau, Gila, Lucas, Molinero, Perico.

Nomás plegar ta Agüero, a 696 m. d’altaria, dentran en una tabierna d´o lugar en do conozen a una presona con qui pillan ascape güen capazo y que remata por combidar-les enta casa suya. Iste ombre, ya un siñalín biello, se clama Bitorino Belarre. Ban a tener a gran potra de qu´iste presonache fable l´aragonés local, biba soler con unos mixinetes, se i trobe esbagarau, siga rozero de trato, muito charraire y tienga arradiocaset pa poder grabar a zinta. Le fan a primer grabazión en agüerano de 80 menutos de durada en a que cuenta a bida y treballos d´antis y cosetas d´a mili, ropaches, o biello danze, sobatidas culturals, as cofadrías antiguas y, pa forro i bota, o cuenter de ” os cochinos de Lobarre”.

O más trucadizo d´a entrebista se publica en a rebiesta “Orache”, 3 (1.983) pax.1O y 11 con o tetulo:” Una charrada n´Agüero “; tamién se publicó con o tetulo: ” Charrada con Bitorino Belarre ” en: NAGORE LAIN, Francho, “Replega de testos en aragonés dialeutal de o sieglo XX (tomo 1) Zaragoza, D.G.A., Departamento de Cultura y Educación (Colección “O pan de casa nuestra”, 5) 1987, pax.1O5-1O8.

A continazión s´achunta dita entrebista:

Anuncios