2.2. Fuendetozos. Besita – Francho de Goya
Fuendetozos ye un lucar de ra Comarca Belchit, con bels 170 abitadors. Se gosa acumular l´orichen d´o suyo nome a l´antiga Fuen Biella de ra poblazión, que debito a lo suyo agundán caudal -abastable ta enfurnir d´augua a muita chen- pasarba a estar anomenata “la Fuen de todos”.
Vista de Fuendetodos. Ambiesta de Fuendetozos
Manimenos, M. Martín ha unatra tioría: en un decumén de confirmazión de lo Fuer de Daroca, atorgato lo 1.142 por Remón Berenguer, cuarteno Conte de Barzelona y Prenzipe d´Aragón, s´establix lo territorio rechito por dito Fuer, en o que dentran entre atras poblazions: “…. a Fonte de Tossos, a Villa Nova, a Longares, a Cosuelda, a Codo, a Miedes….”; encá qu´iste Fonte de Tossos poderba seyer l´autual Tosos, bian podese aber-se dau lo causo de que dita “Fonte” se trobase en l´autual Fuendetozos (a 10 u 12 kms.de Tosos en linia dreita, y en a mesma bersán d´auguas).
Fuendetodos. Foto de Jean Dieuzaide en 1969. Fuendetozos.
Mientres Tosos aberba manteniu lo son d´a -S-(simplificato), Fonte de Tossos aberba esboluzionato a “Fuent de Tozos” y d´astí -por proxemedá en a prenunzia- ta Fuendetodos. Tamién cal fer notar a prebable rilazión de “Tossos” (con o sinificato de “capezos”) con as formazions chioloxicas carauteristicas d´o paisax de Tosos, chusto dezaga d´o lucar.
Vecinos de Fuendetodos en 1913. Foto Luis Gandú Mercadal. Bizins de Fuendetozos en 1913
A 45 Kms. de Zirigoza y 780 mts. d´altaria, os fuendetozosins s´han adedicato tradizionalmén a l´agricultura y ganadería; tamién ha soprixito lo comerzio de piatra “caracoleña” -sengular de Fuendetozos-, (calzina constimesa por moltetú de conchicas de gastropodos), e la endustria de ro chelo, con a esistenzia decumentada de 22 neberons, de ros que beluns encá se i mantienen güé, espezialmén l´esbiellato deLa Culroya.
Vista de Fuendetodos. Foto de Jean Dieuzaide en 1969. Ambiesta de Fuendetozos
Os Zerrigüeltaires, dimpués de fer a sobremeseta trasquindo uns talladez en a cafetería d´a Gospedería, enfilan por o Barrio Baxo cara tala Casa Natalde Goya; ya sapen que ro luns ye zarrata ta lo publico, pero quieren afotiar la suya frontera y garimboliar una mialleta por o lucar. A lo que bi arriban beyen a puarta ubiarta y ro siestro pleno de caxas y trastes, lo cual que bel acotrazio u mantenimién gosarán estar fendo-ie.
Casa natal de Francisco de Goya en Fuendetodos. Casal de naxenzia de Francho de Goya en Fuendetozos
Francisco de Paula de Goya y Lucientes (“Francho” ta ros suyos pariens, amius y combizins) naxió en a carrera de l´Alfondiga lum. 18 de Fuendetozos, lo 30 de marzo de 1.746, fillo d´o maistro dorador José de Goya y d´Engracia Lucientes.
Casa natal de Francisco de Goya en Fuendetodos, Foto de Jean Dieuzaide en 1969. Casal de naxenzia de Francho de Goya en Fuendetozos
En o baltizo -zilebrau lo diya siguién- bi estió lo patrín lo suyo pai y la patrina una parienta, Francha de Grasa; os omes yiban bistius de chustiello, faxa, calzón y meyas blangas y as mullers d´achustador, pañuelón y saya falduda.
Casa de Francisco de Goya en Fuendetodos, Foto de Jean Dieuzaide en 1969. Casal de naxenzia de Francho Goya en Fuendetozos
Astí bibió durán la nineza, chupindo-se-ne d´as luzes, colors, paisaches y lo carauter popular aragonés qu´enfluyirán ta cutio en a suya obra pitorica y presonalidá. No cal dizir a importanzia y traszendenzia d´iste feito ta la localidá, conoxita mundialmén como “la patria chica de Goya”; agora, grazias a ra perfeuta esbiellatura y mantenimién d´a Casa natal, a creyazión y esbulligue d´o Museyo d´o Grabato y atras autibidaz culturals, meyoambientals, ezetra, Fuendetozos güella asperanzato enta l´esdebenidor.
Portada del libro Goya de J. Llampayas. Portalada d'o libro Goya de J. Llampayas
Os Tocayos, dimpués d´afotiar a frontera d´a Casa Natal de Goya y una placa con una zita d´o famosismo pintaire, continan camín ta lo Barrio Alto, pos quieren besitar o recuperato neberón d´a Culroya.
Grabado y frase conmemorativa en baldosa. Grabato y frase remeratiba en rechola
O de Fuent de toZos no lo veigo claro, a -ss- d’o texto en latín ye una traza qualsiquiera de representar a /-s-/, y no exclusiva d’a /-s-/, pero si especialment (podemos veyer-lo en qualsiquier libro que charren de l’aragonés meyeval y a suya grafía que puet estar una /-s-/, una /-ç-/ y dica una /-x-/). No tien porqué evolucionar a -z-. *Bassiare > ba(i)xar, *Passere > paxaro, *Pissiare > pixar. O més probable ye que o toponimo orichinal en aragonés estase ”Fuent de Tosos”, en relación con un lugar més gran en o pasato que ye Tosos, on bi habió nobleza, y por simpla etimolochía popular (como vagabundo > vagamundo) hese dato Fuent de Tod(o)s u Fuent de Tots (si arribamos a documentar-lo asinas con plural aragonés -ts encara sin -z, que ye dificil con a scripsa meyeval aragonesa).
Salu2
EBRO
Ebro: Muitas grazias por o tuyo comentario y enformazión, ye muito intresán.
Saludos
Os Zerrigüeltaires