A siguién aturata ye Puivert a 24 kms. Aquí remanen bels menutos ta fer bel par d´afotos a la localidá y a un sarrato do se i beye una par de lo castiello, que l´izen tamién “Castiello de las Corz d´Amor” por seyer estato l´eszenario d´una sonata trobata de Trobadors. Enta l´ueste se´n mantienen os estrazios de “lo biello castiello”, conquerito en 1.21O por Simón de Montfort a os suyos esfensors aduyatos por soldatos “aragoneses”. Enta l´este, a torre costruyita lo sieglo XIV mantién cualques salas con güeltas gollibals.
Puivert, al fondo la torre del siglo XIV (Francia). Puivert, enta lo fundo la tor d´o sieglo XIV (Oczitania).
En Puivert, una liyenda iz qu´en 1.279 una prinzesa “aragonesa” qu´astí moraba -de motada ” la Dama Blanca”- ordinó rebaxar lo libel de l´augua d´o laco que bi eba en lo pedero d´o castiello, por tal de fer petenables las suyas marguins. As fainas estioron menatas con bien poco talento: la garona arrambló con triballadors e prinzesa y orchegó -entre atros lucars- Mirepoix e Chalabre.
Una casa típica del pueblo de Camon (Francia). Un casal tipico de lo lucar de Camon (Oczitania)
Lo siguién lucar ye Camon, a 15 kms., e poco más de 4.OOO abitadors. Besitan la billa fortificata d´os sieglos XV-XVI con la suya trucadiza badía y arredoleyan la muralla.
La abadía y la muralla de Camon (Francia). La badía e la muralla de Camon (Oczitania).
Rezenta una liyenda que la badía de Camon estió fundata por l´esdebenider Carlomaño en lo 778. A zaguers d´o sieglo XV dita badía yera un ronal, e remanió albandonata dica que Philippe de Levis, bispe de Mirepoix, la esbielló. Los diferiens priors que l´azagoron, completoron las fortificazions.
La catedral de San Mauricio de la villa de Mirepoix (Francia). La catedral de Saint Maurice de la billa de Mirepoix (Oczitania)
A 13 kms. ye lo zaguer discanso en lo camín, Mirepoix. Ye una billa qu´albergó a os erexes cataros, entre els lo siñor d´a zidá, Roger de Mirepoix. En 1.2O6 saiszientos d´els i partiziporon n´un conzilio e demandoron a Raymon de Perelha que refese as esfensas de lo castiello de Montségur; e asinas se´n fazió.
Porches y arcadas de madera en la villa de Mirepoix (Francia). Porchegatos y arcatas de tiera en la billa de Mirepoix (Oczitania)
Mirepoix mantién os adrezos meyebals. La gran plaza d´o cheneral Leclerc -con un florito chardín- ha casals de tiera d´es sieglos XIII e XIV, con porchegatos tamién de tiera e la catedral de St. Maurice consagrata en 1.298 -esbiellata os sieglos XIV e XV-, ye tenita por una d´as más amplas ilesias goticas franzesas.
Goyan d´o promenax por la suya carrera prenzipal, güellan libros en as botiguetas baxo los porches e i fan afotos.
Una carrera de casals tipicos con porchegatos de tiera, en Mirepoix (Oczitania).
D´astí en jopan ya ascape enta Carcassona -la capetal de lo departamén d´Aude- que ye a 52 kms.
Como l´otel ye zerqueta d´a zidá meyebal, se´n ie amanan a zenar a´l bentistate n´una plaza e i biyer un ratet l´ambién d´as carreras suyas.
Archivado bajo: 2006.- 1b. OCZITANIA I | Etiquetado: Aragonés, Francia, Pueblos
