ARAGÓN EN OCZITANIA, DE LO 8 TA LO 14 DE MAYO DE LO 2.006
Lo proyeuto d´ista añata ye d´esnabesar la prenzipal zona oczitana enligamata con Aragón culturalmén e istórica
Campo de flores con el fondo del lago de Barbazan (Francia). Cambo de flors, enta lo fundo lo laco de Barbazan (Gascuña)
En a Edá Meya lo mundo se trestalla en un abentallo de grans grupos de zebilizazions.
En cadagún d´istos conchuntos se i prisientan importans fuerzas chunificaderas, se i constimezen amplos dominios relichiosos y en muitos puestos la creyazión d´as conzenzias coleutibas ferá naxer culturas nazionals que risaltan, más que más, lo carauter de cada pueblo.
Totas istas fuerzas empentan a os omes a trescruziar as güegas imposatas por atros pueblos.
Impresionante vista de una torre cuadrada del siglo XI/XIV de Foix (Francia). Enluzernadera ambiesta d´una tor cuadrata d´o sieglo XI/XIV de Foix (Oczitania)
Os poders locals y as potenzias unibersals s´estruexan lo gubierno d´es omes. A os “siñors” lis pertocan as fainas más umils de proteuzión, almenistrazión basica e churisdizión; e d´atra par, lo Papato e l´Imperio presiden lo conchunto d´a Cristiandá, li guaranzian un riedo menimo e la menan enta la salbazión.
Os rais son siñors bel poquet más poderosos e carauterizatos por un siñal cuasi sagrato que los sobrepuya por d´alto de os demás omes.
Vista del pueblo de Roquefixade (Francia). Ambiesta d´o lucar de Rocafixada (Oczitania)
Os pogresos d´a economía, por mor d´os peitaxes e leztas, premiten a grans siñors e rais acotraziar exerzitos alogatos e almenistrazions con güens chornals, que lur presonal ye enfurnito por cleigos, chiquez noples e burzeses.
La fachada sur del castillo condal del siglo XII de Carcassonne (Francia). La frontera sur d´o castiello contal de lo sieglo XII de Carcassona (Oczitania)
A zaguers de lo sieglo XII y empezallos de lo XIII Provenza – payís a lo sur de Franzia – ye dominato por una catafila de noples que se i son enfortindo escuentra os Capetos – dinastía reyal que gubierna la Francia dende lo 987 dica lo 1.328 – afainatos por allora en retaliniar as propias pezquinas suyas con os fortals bizins, Ingalaterra e l´Imperio Chermanico, que no se´n rematarán dica lo 1.214, con a bitoria de lo rai franzés Felipe Augusto en Bouvines. A posesión d´istas tierras se trestalla entre os Plantagenet – siñors d´Aquitania -, os Trencavel – biscontes de Beziers e Carcassona – e os basallos de lo rai d´Aragón ( os contes de Foix, Comminges, Tolosa, Provenza, Gavaldán e Millau, y os biscontes de Biarn, Carladés e Verán).
Archivado bajo: 2006.- 1b. OCZITANIA I | Etiquetado: Aragonés, Francia
